Me versionin e ri, kompanitë do të kenë mundësi të prezantojnë më lehtë veten, të kërkojnë kandidatë dhe të krijojnë lidhje më të drejtpërdrejta me talentet që përputhen me nevojat e tyre.
Në kuadër të këtij eventi do të prezantohet edhe KosovaJob Trainers’ Center, një hapësirë që synon të lidhë kërkesat e tregut të punës me mundësitë për zhvillimin e aftësive. Përmes tij, aftësitë që kërkohen nga kompanitë do të lidhen me trajnime që ndihmojnë kandidatët t’i zhvillojnë ato. Kjo iniciativë është mbështetur nga Matching Skills to Jobs – MSJ, projekt i Agjencisë Zvicerane për Zhvillim dhe Bashkëpunim, i implementuar nga Swisscontact.
Gjatë eventit, pjesëmarrësit do të zbulojnë nga afër risitë më të mëdha të KosovaJob deri më sot, përmes një prezantimi dhe demonstrimi të drejtpërdrejtë të funksionaliteteve të reja.
Agjenda
📅 15 tetor 2026
🕐 Ora 09:00
📍 Swiss Diamond
Eventi do të vijojë me prezantimin e KosovaJob 2.0, demonstrimin e funksionaliteteve të reja dhe prezantimin e Trainers’ Center, për t’u përmbyllur me një rrjetëzim mes kompanive, profesionistëve dhe partnerëve.
KosovaJob 2.0 transformon mënyrën si kompanitë gjejnë talentet dhe si talentet gjejnë mundësitë, duke e bërë tregun e punës më të shpejtë, më të zgjuar dhe më të lidhur me aftësitë e së ardhmes.
