Punëdhënës është çdo person i cili u mundëson punëmarrësve inkuadrimin në punë konkrete në bazë të kontratave specifike, me qëllim të realizimit të detyrave në fushë të caktuara dhe i paguan ata për shërbimet e tyre.
Punëtori është person fizik i cili themelon marrëdhënie pune me një punëdhënës dhe si rrjedhojë kryen detyra konkrete, njëkohësisht merr shpërblim mujor të konvertuar në të holla, pas realizimit me sukses të punëve të parapara.
Punëdhënësi primar është punëdhënësi kryesor (parësor) i një punëmarrësi. Kur një punëtor është i angazhuar në marrëdhënie të rregullta të punës në një kompani të caktuar, e deklaron atë si punëdhënësin e tij parësor.
Punëdhënësi dytësor/i jashtëm i një punëmarrësi (Kur një punëtor angazhohet përkohësisht në një vend pune, apo jo në marrëdhënie të rregullta të punës).
Paga është shpërblim mujor të cilin e paguan punëdhënësi drejt punëmarresit, pas përfundimit të obligimeve që rrjedhin nga kontrata e punës.
Paga bruto nënkupton shumën totale të parave, para zbritjes së taksave. Tek paga bruto hyjnë të gjitha shpenzimet apo kontributet që kompania paguan për punëmarrësin e vet.
Paga neto është pagesa e pastër e cila transferohet tek një punëmarrës. Kjo nënkupton shumën e parave që mbeten pasi të gjitha zbritjet janë hequr për tatime apo kontribute nga paga e një personi.
Fondi i Kursimeve Pensionale të Kosovës (FKPK) është institucion publik i pavarur, i krijuar sipas modelit të kontributeve pensionale të definuara, që nënkupton se secili kontribues kursen për pension në një llogari personale.
Shuma e parave që një punëdhënës paguan për kontribute pensionale, për punëtorët e tij.
Pjesa e parave që hiqen nga paga e një punëmarrësi për kontribute pensionale.
Shuma që ndalet nga paga bruto, në emër të taksës që vendos shteti.
Shuma totale e parave që shkojnë për tatim.
