Zyrtar/e për Financa

	 	 
Rreth Heb's Kosova
Heb's Kosova është një nga kompanitë lider dhe me rritjen më të shpejtë në industrinë e gastronomisë në Kosovë. Me prezencë aktuale në 29 lokacione dhe me mbi 1,500 punonjës, ne i shërbejmë çdo ditë mijëra konsumatorëve duke ofruar produkte cilësore dhe një përvojë të shkëlqyer shërbimi.
Në Heb's, besojmë se njerëzit janë aseti ynë më i vlefshëm. Investojmë vazhdimisht në zhvillimin profesional të punonjësve, promovojmë kulturën e bashkëpunimit, meritokracisë dhe inovacionit, si dhe krijojmë mundësi reale për rritje dhe avancim në karrierë.
Ekipi jonë po rritet dhe ne po kërkojmë Zyrtar/e per Financa të përkushtuar dhe të organizuar dhe fleksibil për të mbështetur dhe udhëhequr departamentin tonë në rritje dhe zhvillim. Nëse dëshironi të bëheni pjesë e një kompanie dinamike, me standarde të larta profesionale dhe një kulturë pune që vlerëson performancën, integritetin dhe zhvillimin e vazhdueshëm, ju ftojmë të bashkoheni me ekipin e Heb's Kosova.
Pozita e punës: Zyrtar/e per Financa
Vendi i punës: Çagllavicë
Orari i punës: I plotë
Detyrat dhe përgjegjësitë

Regjistrimi dhe përpunimi i faturave të blerjes dhe shitjes.
Evidentimi dhe kontrolli i të hyrave dhe shpenzimeve ditore.
Verifikimi dhe arkivimi i dokumentacionit financiar.
Rakordimi i arkës, llogarive bankare dhe transaksioneve financiare.
Monitorimi i pagesave ndaj furnitorëve dhe arkëtimit nga klientët.
Mbështetja në përgatitjen e dokumentacionit për kontabilitet, auditim dhe obligime tatimore.
Ndjekja e procedurave të brendshme financiare dhe sigurimi i saktësisë së të dhënave.
Kryerja e detyrave të tjera financiare dhe administrative sipas kërkesës së menaxherit.

Kualifikimet e kërkuara

Diplomë universitare në Financë, Kontabilitet, Ekonomi ose fushë të ngjashme.
Përvojë pune është përparësi, por inkurajohen të aplikojnë edhe kandidatët në fillim të karrierës.
Njohuri të mira të paketës Microsoft Office, veçanërisht Excel.
Njohuri bazë të programeve financiare/kontabël përbëjnë avantazh.
Aftësi të mira analitike dhe numerike.
Përgjegjësi, saktësi dhe aftësi për të respektuar afatet.
Aftësi të mira komunikimi dhe bashkëpunimi në ekip.

Ne ofrojmë

Kontratë të rregullt pune.
Pagë konkurruese sipas përvojës dhe performancës.
Mundësi për zhvillim profesional dhe ngritje në karrierë.
Trajnim dhe mbështetje gjatë periudhës së integrimit.
Ambient pune profesional dhe dinamik. 

Mënyra e Aplikimit:
Kandidatët e interesuar që posedojnë kualifikimet e duhura dhe specifikimet personale të përmendura më sipër mund të aplikojnë duke dërguar përmes linkut: https://jobs.hebskosova.com/job-application-form?id=229 nga data: 10/08/2026 deri më datën: 28/08/2026 në orën 23:59. Aplikacionet pas afatit të përcaktuar në konkurs, nuk do të merren në konsideratë.
Mundësi të barabarta punësimi
Heb’s Kosova është një punëdhënës i cili ofron punësim me mundësi të barabarta dhe inkurajon të gjithë individët e kualifikuar të aplikojnë, pa diskriminim bazuar në gjini, moshë, etni, racë, fe, aftësi të kufizuara, status martesor ose përkatësi tjetër personale. Ne besojmë në diversitetin, përfshirjen dhe respektin e ndërsjellë si një pjesë thelbësore të kulturës sonë biznesore.
Procesi i Përzgjedhjes:
Dorëzimi i këtij aplikimi nga ana e kandidatëve nuk përfaqëson asnjë përgjegjësi të asnjë lloji për kompaninë, dhe kompania ka të drejtë të vendosë standardet që i konsideron të përshtatshme për punën sipas informacionit të disponueshëm për të gjithë aplikantët dhe të zgjedhë kandidatët që do të marrin pjesë në procedurat e rekrutimit nga radhët e aplikantëve në përputhje me këto standarde.
*Vetëm kandidatet te cilat hyjnë në listën e ngushtë do të ftohen për intervistë.