KosovaJob lanson zyrtarisht platformën “CV krijuesi”

	 	 

Një CV e shkruar mirë mund të vulos karrierën tuaj. Kjo pasi që CV-ja është njoftimi i parë i punëdhënësit me kandidatin, përshtypjet e para për të vijnë pikërisht përmes CV-së.

Mundësitë për krijimin e një CV-je profesionale në Kosovë janë të pakta. Duke e parë këtë boshllëk, rrjeti më i madh i punësimit në Kosovë, KosovaJob, po vjen me një risi në këtë drejtim.

Me datë 2 prill të këtij viti, KosovaJob do të bëjë zyrtarisht lansimin e CV-krijuesit, një platformë kjo e cila mundëson krijimin e një CV-je profesionale e cila përmban të gjitha të dhënat e nevojshme rreth një personi. Për të pasur qasje në krijimin e CV-së, ju fillimisht duhet të krijoni një llogari tuajen në webfaqen e KosovaJob. Pasi të regjistroheni, do të keni mundësinë të kyçeni me email-in dhe fjalëkalimin tuaj dhe njekohësisht të ruani më shumë se një CV. Në rast se dëshironi të hapni llogari, mund ta shkarkoni direkt CV-në tuaj.

Që një CV të jetë e kompletuar, të dhënat duhet të jenë të strukturuara mirë. CV krijuesi i KosovaJob do ta mundësojë këtë gjë. Këto të dhëna kategorizohen si vijon:

  • Informatat kryesore. Këtu përfshihen të dhënat si: emri, mbiemri, ditëlindja, numri i telefonit, email aktual, adresa e vendbanimit si dhe fotoja të cilën dëshironi t’ia shoqëroni CV-së suaj.
  • Përvoja e punës. Tek kjo kategori ju duhet të përfshini të gjitha përvojat e mëparshme të punës, pra emrin e kompanisë, adresën ku ndodhën zyret e tyre, rolin që ju keni pasur si edhe datën kur keni filluar dhe deri kur keni qenë pjesë e asaj kompanie.
  • Edukimi. Do të keni mundësinë të cekni llojin e institucionit, emrin e tij si dhe datën e fillimit dhe përfundimit të studimeve tuaja aty.
  • Gjuhët. Këtu mund të përfshihen të gjitha nivelet e gjuhës që ju njihni duke i ndarë në kategori si: të shkruarit, të folurit, të dëgjuarit dhe të kuptuarit. Kur perzgjidhni gjuhën të cilën e njihni, pranë saj mund të nënvizoni edhe nivelin e njohurive të seciles gjuhë që posedoni aktualisht.
  • Aftësitë dhe hobi. Dy sektorë janë të ndarë që ju të keni mundësinë të shkruani aftësitë dhe interesat që keni. Tek aftësitë mund të shkruani p.sh anën tuaj kreative apo çdo aftësi tjetër që konsideroni që e keni. Kurse, tek interesat mund të shkruani hobitë që ju keni si p.sh udhëtimin apo ndonjë sport.
  • Trajnimet. Mund të përfshini të gjitha trajnimet që keni pasur, të shkruani emrin e trajnimit që keni vijuar si dhe një përshkrim rreth tij.
  • Referencat. Pjesa e fundit e CV krijuesit është kategoria e referencave. Këtu mund të bashkangjitën brenda CV-së të gjitha referencat e marra nga insititucionet pjesë e së cilave keni qenë me herët.

Kjo platformë mundëson edhe eksportimin e disa llojeve dhe dizajneve të CV- së. Poashtu, pos mundësisë për të krijuar CV-në, ekziston edhe mundësia për të bërë përmirësimet e nevojshme pas krijimit të saj. Kjo nënkupton se njerëzit që krijojnë një CV nëpërmjet formatit të KosovaJob, do të mund të kthehen aty për ta përditësuar atë sa herë që ata e konsiderojnë të nevojshme.

Stafi i Kosovajob do të ofrojë mbështetje për të interesuarit në rast nevoje apo paqartësie gjatë këtij procesi. E mira e gjithë këtij shërbimi është se ofrohet pa pagesë!

Kujtojmë se rrjeti më i madh i punësimit në Kosovë “KosovaJob” është certifikuar me standardin për cilësi ISO 9001:2015 nga organizata e mirënjohur botërore Buroeo Veritas me filiale në Paris, duke u bërë kështu kompania e parë e ndërmjetësimit në punësim në Kosovë e certifikuar me këtë standard dhe duke vërtetuar edhe njëherë cilësinë e saj.

Ky artikull është prodhim i KosovaJob – Rrjetit më të madh të punësimit në Kosovë. Për çdo informatë kontakto 045 111 414 apo info@kosovajob.com

TAGS: KosovaJobArtikulli i javesVende PuneNjoftime PuneOferta PunePortal PuneLyp PuneVende te lira PuneKerko Pune

KosovaJob is the largest local network certified by Bureao Veritas with ISO 9001:2015
for Quality Management
Follow Us
Copyright © 2019 - KosovaJob LLC
Copyright © 2019 - KosovaJob LLC