Punoni si projekt menaxher në liderin e dyerve dhe dritareve, WINTECH

	 	 
Kompania WINTECH që është lider për dyer dhe dritare nga PVC dhe Alumini për gjashtë vjet që nga themelimi ka arritur sukses të vazhdueshëm duke krijuar një rreth të besueshëm të partnerëve vendorë dhe ndërkombëtarë. Me rritjen e saj është rritur edhe stafi i profesionistëve ku sot numëron mbi 100 punëtorë me eksperiencë. Për t’iu bashkuar këtij ekipi, tani është mundësia ideale, pasi që po kërkojnë të punësojnë dy projekt menaxherë për të punuar në zyre dhe teren me kushte dhe pagë konkurruese. Nëse jeni korrekt në fushat në të cilat vepron kjo kompani dhe jeni bashkëpunues dhe keni disa nga aftësitë e mëposhtme, këto janë pozitat e duhura për ju!
Çfarë kërkohet për të punuar në WINTECH?

Shkollimi bachelor në arkitekturë, ndërtimtari, makineri është i obliguar ndërsa kanë përparësi kandidatët me master.
Kërkohet eksperiencë rreth 3-vjecare në menaxhim të projekteve, aftësi për t’i udhëhequr projektet komplekse dhe në kohë të caktuar.
Aftësi Shumë të mira analitike për metodologjinë e projekteve, ta monitorojë projektin nga fillimi deri në fund, tu përkushtohet detajeve dhe ta përfundojë me kohë. Kërkohet gatishmëri për ta mbikëqyrur projektin edhe nga tereni.
Njohja e gjuhës angleze është obligative kurse njohja e gjuhëve të tjera konsiderohet përparësi
Njohja e programeve të AutoCAD është obligative kurse e programeve të tjera si Orgadata, Schucal është përparësi.
Kandidati duhet ta ketë patentë shoferin, së paku kategorinë B

Përgjegjësitë e projekt menaxherëve:
Detyrat dhe përgjegjësitë e punonjësve të ri në këto pozita janë:

Përgatitja e ofertave financiare sipas kërkesave të projektit, përpunimi i projektit zbatues edhe përfshirë detajet e prodhimit dhe montimi.
Koordinim me ekipin rreth projekteve dhe komunikimi me palët e treta.
Menaxhimi i komunikimit me klientët dhe diskutimi me kolegët rreth projekteve
Shërben si kontakt i parë për projektet e tij me partnerët, inxhinierët dhe eprorët
Merr pjesë në mbledhjet e kompanisë, vizita në teren si dhe prezanton vlerësimet e projekteve nga tereni.
Monitoron dhe vlerëson implementimin e projekteve si dhe raporton te eprorët
Përpilon studim fizibiliteti/ ekspertizë për projekte të caktuara në bashkëpunim me ekipën ekzistuese.
Kandidati duhet të jetë një urë lidhëse ne mes të prodhimit dhe zyrës teknike, duhet të jetë po ashtu i gatshëm që sipas kërkesave të bëjë edhe udhëtime jashtë vendit
Paga që ofrohet është 1000 Euro, ushqimi dhe transporti janë të mbuluara në kuadër të kompanisë

Për të kuptuar më shumë për konkursin, klikoni mbi këtë link ku mund të gjeni adresën për të aplikuar: https://kosovajob.com/wintech/projekt-menaxher-2
WINTECH– KOMPANIA QË U AVANCUA ME RITËM TË SHPEJT
WINTECH shpk, është themeluar në Mars 2017, si rezultat i kërkesës për furnizim me dyer e dritare në kompaninë ndërtimore amë VLLEZERIT ASLLANI, që fillimisht është emërtuar si VA-AL-PLAST.
Fillimi i veprimtarisë ka nisur me një numër simbolik prej 4 punëtoreve, për prodhimin dhe furnizimin me dyer e dritare nga PVC vetëm për nevoja të kompanisë, mirëpo me zhvillim të kompanisë është rritur kërkesa për furnizim në tregun vendor e ndërkombëtar. Si rezultat i kësaj kërkese të tregut, lind ideja që të kemi një emër më konkurrues në treg, ku në fillim të vitit 2020 e transformoi emrin nga VA-AL-PLAST në WINTECH shpk. Si rrjedhojë e këtyre zhvillimeve dhe avancimeve profesionale dhe kërkesës për xham, në Tetor të vitit 2020 filloi punën fabrika për përpunimin e gjitha llojeve të xhamit që është emërtuar si WINTECHGLASS qe është e pajisur me teknologjinë e fundit.

Sot pas një periudhe 6 vjeçare WINTECH numëron: 
- Zyrën teknike me 8 inxhinierë-arkitektë të lëmisë
 -Zyrën e prokurimit me 4 profesionistë të lëmisë
 -Menaxher të punishteve - 4 arkitektë, – 130+ punëtor në prodhim, me një zhvillim si në fuqi punëtore ashtu edhe në avancim të teknologjisë makinerike për prodhim.
Tashme WINTECH ështe një kompani lidere në fushën e Prodhimit të Dyerve e Dritareve nga PVC dhe Alumini, Roletave, Perpunimit te llojeve te ndryshme të xhamave, Fasadave nga xhami, Fasadave te ventiluara, Gilindera dhe Terasa, Kupolla nga Xhami, Alucabond etj. Kompania WINTECH eksporton produktet e veta edhe ne vendet te ndryshme te BE si ne Gjermani, Austri, Belgjike, Zvicër, Itali e deri në Kanada./ KosovaJob