Jemi shumë të lumtur që të premten kemi prezantuar platformat tona, KosovaJob dhe AkademiPune për Rrjetin e Qendrave të Karrierës në IAAP. Në takimin vjetor te Rrjetit që po mbahet në Prizren, ekipi i KosovaJob ka demonstruar procesin në platformën tonë të hulumtimit të vendeve të punës dhe krijimit të profilit të punëkërkuesit, të dy këto procese të rëndësishme për nxënësit e shkollave profesionale.
Në kuadër të prezantimit të mbajtur të premten, gjithashtu është prezantuar edhe platforma tjetër “online” e KosovaJob e që është- “AkademiPune” e cila ndihmon punëkërkuesit në edukimin e tyre për zhvillim të karrierës, si dhe mënyrën se si kjo platformë mund tu ndihmojë nxënësve që të jenë më të përgatitur për tregun e punës dhe trendët e reja që po vijnë. Gjithashtu është theksuar rëndësia e prezencës “online” për të arritur te vendi i punës.
Njohuritë që u ndanë me Qendrat e Karrierës në IAAP mbi platformat tona digjitale do të ndihmojnë për t’i udhëzuar dhe ndihmuar nxënësit e shkollave profesionale në tranzicionin e tyre nga shkolla ne pune.
Aktiviteti i ardhshëm i bashkëpunimit me shkollat profesionale dhe Qendrat e karrierës është promovimi i tregimeve të suksesit nga kontributi qe jep sektori privat për nxënësit e shkollave profesionale në ngritjen e shkathtësive praktike sipas nevojave te tregut të punës.
Prezencën tonë në këtë ngjarje të rëndësishme te Rrjetit te Qendrave të Karrierës ne IAAP e mundësoi projekti Rritja e Punësimit për të Rinj- (EYE) e Agjencisë Zvicerane për Zhvillim dhe Bashkëpunim (SDC).
