Fundi i vitit 2019, Teleperformance vjen me edicionin më të veçantë të Ditëve të Dyerve të Hapura

Fundi i vitit 2019, Teleperformance vjen me edicionin më të veçantë të Ditëve të Dyerve të Hapura

	 	 

Ditët e fundit të këtij viti po afrojnë. Gjatë kësaj periudhe, edhe kompania më e madhe në botë për kujdesin ndaj klientëve “Teleperformance”, për herë të fundit për këtë vit, organizon ngjarjen e titulluar “Ditët e Dyerve të Hapura” - për të gjithë qytetarët e Kosovës që njohin gjuhën gjermane.

Të mërkuren dhe të enjten, me datat 6 dhe 7 nëntor, të gjithë gjermano-folësit që jetojnë në Kosovë mund të paraqiten në objektin e Teleperformances në Prishtinë, pa pasur nevojë për të aplikuar online.

Duke qenë se ky edicion është më i veçantë sepse është edhe i fundit për këtë vit, Teleperformanca ka vendosur të motivojë kandidatët e suksesshëm që arrijnë të bëhen pjesë e kompanisë, me një bonus prej 200 eurosh, qysh në fillim të punës.

Kush mund të paraqitet?

Të gjithë personat pa dallim gjinie, race, nacionaliteti, të cilët mendojnë se e njohin mjaftueshëm gjuhën gjermane mund të paraqiten te paneli i rekrutimit në objektin e Teleperformances në Prishtinë, në datat e lartcekura.

Ditet e Dyerve te Hapura

Çka nënkupton Dita e Dyerve të Hapura?

Dita e Dyerve të Hapura është një ngjarje e cila mbledh të gjithë punëkërkuesit gjermano-folës. Gjatë kësaj ngjarjeje, ata mund të paraqiten vetë tek objekti i Teleperformances në Prishtinë, pa pasur nevojë të aplikojnë paraprakisht për pozitat e punës.

Në Ditët e Dyerve të Hapura, kandidatët intervistohen aty për aty dhe nëse tregohen të suksesshëm pranojnë menjëherë ofertat/kontratat e punës. Kjo ngjarje organizohet për vite me radhë, me qëllim që të lehtësojë punësimin për të gjithë gjermano-folësit në Kosovë.

Cilat janë përfitimet e punës në Telepeformance?

Teleperformance në Prishtinë ofron mundësi punësimi me standarde gjermane. Ditët e Dyerve të Hapura janë një rast i mirë për të gjithë ata që synojnë karrierë në fushën e shërbimit me klientë. Puna në Teleperformance përcillet me:

  • Pagë të lartë fikse dhe bonuse të larta të produktivitetit.
  • Kontratë të rregullt dhe pagesë të kontributeve dhe pensioneve.
  • Mundësi të ngritjes në pozita menaxhuese.
  • Atmosferë ideale të punës në objektin më modern në qendër të Prishtinës.

Teleperformanca, për më shumë se 40 vite vazhdon të jetë lider botëror në ofrimin e shërbimeve ndaj klientëve dhe për momentin është e pranishme në 80 vende të botës duke punësuar mbi 300 mijë punëtorë.

Teleperformance në Kosovë është e pranishme në Prishtinë qe prej majit të vitit 2017 si degë e Teleperformance Gjermani dhe aktualisht ka mbi 500 të punësuar.

Organizimet e Ditëve të Dyerve të Hapura kanë rezultuar gjithmonë të suksesshme. Vlen të theksohet se në Ditët e Dyerve të Hapura të vitit të kaluar, Teleperformance punësoi më shumë se 110 gjermano-folës. Shumica e tyre vazhdojnë të jenë pjesë e kompanisë.

KosovaJob is the largest employment network in Kosovo certified by Bureau Veritas with ISO 9001:2015 Quality Management
Follow Us
Copyright © 2020 - KosovaJob LLC
Copyright © 2020 - KosovaJob LLC
x
Teleperformance - kompania e preferuar për gjermano-folësit në Kosovë
Lexo këtë artikull »