“KosovaJob” certifikohet me standardin për cilësi ISO 9001:2015

“KosovaJob” certifikohet me standardin për cilësi ISO 9001:2015

	 	 

Rrjeti më i madh i punësimit në Kosovë “KosovaJob” është certifikuar me standardin për cilësi ISO 9001:2015 nga organizata e mirënjohur botërore Bureau Veritas me filiale në Paris, duke u bërë kështu kompania e parë e ndërmjetësimit në punësim në Kosovë e certifikuar me këtë standard dhe duke vërtetuar edhe njëherë cilësinë e saj.

Që nga themelimi e deri në ditët e sotme, KosovaJob vazhdon të mbetet ndër platformat e punësimit me më së shumti ndikim në Kosovë, e cila përmes publikimit të shpalljeve online ka arritur të rrisë shkëmbimin e fuqisë punëtore me kompanitë vendore dhe ndërkombëtare.

Si një urë lidhëse mes punëkërkuesve dhe punëdhënësve, KosovaJob për vite të tëra ka ndihmuar mijëra persona të gjejnë vende të punës në tregun kosovar. Bashkëpunimi i mirëfilltë me një numër të madh të bizneseve lokale dhe ndërkombëtare ia shton edhe më shumë vlerën kompanisë.

Stafi i përkushtuar, me punën e palodhshme, kujdeset që çdo ditë punëkërkuesve t’ua lehtësojë gjetjen e një vendi pune, duke i mbajtur të informuar rreth shpalljeve më të reja dhe duke komunikuar për çdo dilemë që ata mund të kenë.ISO 9001 është një standard ndërkombëtar që përcakton çfarë është e nevojshme për të garantuar cilësi të produkteve apo shërbimeve në mënyrë që klientët të ndahen të kënaqur, duke lënë hapësirë edhe për përmirësime të mëtejshme.

Mbi një milion organizata nga e gjithë bota janë të certifikuara me ISO 9001. Këtij numri, tashmë i shtohet edhe kompania më e suksesshme dhe cilësore e ndërmjetësimit në punësim në Kosovë.

KosovaJob është dhe mbetet rrjeti më i madh i punësimit në Kosovë!

KosovaJob is the largest employment network in Kosovo certified by Bureau Veritas with ISO 9001:2015 Quality Management
Follow Us
Copyright © 2019 - KosovaJob LLC
Copyright © 2019 - KosovaJob LLC