VANTAGE TWENTYSIX
Pozita të hapura pune
Vantage Twentysix është studioja kreative e një grupi kompanish në fushat e ushqimit, patundshmërive, inxhinierisë dhe konsulencës, me prani në Kosovë, Shqipëri dhe Gjermani. Ndërtojmë brende, uebfaqe, platforma dhe aplikacione, për kompanitë tona dhe për klientë në gjithë Evropën.
Senior UI/UX Designer
Prishtinë · hibrid · me orar të plotë · 3+ vjet përvojë
Pjesa më e madhe e punës suaj do të jetë për kompanitë e grupit tonë, nga uebfaqe deri te platforma digjitale dhe aplikacione. Punojmë gjithashtu me startupe dhe kompani më të mëdha në gjithë Evropën. Si Senior UI/UX Designer, ju jeni përgjegjës për mënyrën se si funksionojnë dhe ndihen produktet tona digjitale, nga ideja e parë deri te ekrani përfundimtar. Ky është një nga rolet më të rëndësishme në ekipin tonë, ndaj kërkojmë dikë, puna e të cilit bie në sy.
Çfarë do të bëni

Dizajnoni uebfaqe, platforma ueb dhe aplikacione mobile, nga hulumtimi deri te UI-ja përfundimtare.
Planifikoni rrjedhat e përdoruesve, wireframe-t dhe prototipet, dhe i testoni me përdorues realë.
Ndërtoni dhe mirëmbani sisteme dizajni (design systems) në Figma.
Bashkëpunoni ngushtë me zhvilluesit tanë, që dizajnet të ndërtohen ashtu siç janë menduar.
Përmirësoni produktet ekzistuese bazuar në të dhëna, komente dhe testime.
Prezantoni punën tuaj para kompanive dhe klientëve tanë dhe shpjegoni vendimet tuaja.
Punoni krah për krah me Lead Designer-in tonë dhe mbështesni dizajnerët grafikë në projektet digjitale.

Çfarë sillni ju

Të paktën 3 vjet përvojë në UI/UX ose product design. Cilësia e punës suaj ka më shumë rëndësi për ne senumri i viteve.
Një portofol të jashtëzakonshëm me raste studimi (case studies) që tregojnë procesin tuaj, jo vetëm ekranetpërfundimtare.
Njohuri shumë të mira të Figma-s, përfshirë komponentët, variablat dhe prototipimin.
Përvojë në dizajnimin e uebfaqeve responsive dhe aplikacioneve mobile.
Kuptim të mirë të aksesueshmërisë dhe përdorshmërisë.
Njohuri bazë se si ndërtohen uebfaqet (HTML, CSS), që të flisni me zhvilluesit në gjuhën e tyre.
Mund ta udhëheqni një projekt në mënyrë të pavarur dhe t’u jepni të tjerëve komente të qarta.
Shqip dhe anglisht. Gjermanishtja është përparësi.

Përparësi

Përvojë me marketplace, e-commerce ose platforma rezervimesh.
Motion design për ndërfaqe (Lottie, After Effects, Framer).
Përvojë me Webflow ose Framer.
Përvojë në dizajnimin e produkteve në më shumë se një gjuhë.

Çfarë ofrojmë 

Sigurim shëndetësor privat.
Orar fleksibël dhe punë hibride nga zyra jonë në Prishtinë.
Deri në 4 javë në vit punë nga kudo.
Pajisje të nivelit të lartë dhe licenca të plota softuerike.
Buxhet vjetor për kurse, trajnime dhe vegla pune.
Vlerësim i strukturuar çdo 6 muaj, me rrugë të qartë drejt pozitave senior.
Punë në shumë industri, për brendet tona dhe për klientë në gjithë Evropën.
Mund ta shfaqni punën tuaj në portofolin personal, me miratim paraprak.

Çfarë vlerësojmë
Punë e palodhur, mendim i qartë, përpikëri, përgjegjësi, sinqeritet, vëmendje ndaj detajeve, aftësi organizative, kuriozitet dhe vullnet për tʼu përmirësuar.
Si të aplikoni
Aplikoni online në vantagetwentysix.com/careers. Bashkëngjitni CV-në tuaj (deri në 4 MB) dhe linkun e portofolit, dhe plotësoni disa pyetje të shkurtra për rolin. 
Në formular do tʼju kërkojmë edhe pagën e pritur, datën më të hershme të fillimit, veglat që përdorni dhe 3 projektet tuaja më të mira UX, me rolin tuaj në secilin.