Rekrutimi dhe Përzgjedhja e Kandidatëve

Një punësim i gabuar nuk kushton vetëm një pozitë të paplotësuar, por edhe kohë, buxhet dhe performancë të ekipit.

Ky trajnim praktik i aftëson pjesëmarrësit të menaxhojnë të gjithë procesin e rekrutimit: nga identifikimi i nevojës dhe përcaktimi i profilit të pozitës deri te tërheqja, vlerësimi, përzgjedhja dhe onboarding-u i kandidatit të duhur.

Pjesëmarrësit pajisen me metoda dhe mjete praktike për zhvillimin e intervistave të bazuara në kompetenca, vlerësimin objektiv të kandidatëve dhe marrjen e vendimeve të dokumentuara e të mbështetura në të dhëna.

Shkathtësitë që zhvillohen dhe rezultatet e pritshme

Trajnimi zhvillon shkathtësi në:

• identifikimin e nevojës së biznesit për rekrutim;
• planifikimin e procesit dhe përcaktimin e përgjegjësive;
• hartimin e përshkrimeve profesionale të vendeve të punës;
• përcaktimin e profilit, kompetencave dhe kritereve të kandidatit;
• ndarjen e kritereve të domosdoshme nga ato të preferueshme;
• hartimin e shpalljeve tërheqëse të punës;
• përzgjedhjen e kanaleve të përshtatshme të rekrutimit;
• rekrutimin e brendshëm dhe kërkimin aktiv të kandidatëve;
• shqyrtimin dhe vlerësimin e strukturuar të CV-ve;
• përdorimin e matricave të vlerësimit;
• zhvillimin e intervistave të bazuara në kompetenca;
• përdorimin e metodës STAR;
• përdorimin e testeve, detyrave praktike dhe rasteve studimore;
• reduktimin e paragjykimeve gjatë përzgjedhjes;
• dokumentimin e rezultateve dhe vendimeve;
• verifikimin profesional të referencave;
• përgatitjen dhe komunikimin e ofertës së punës;
• menaxhimin e përvojës së kandidatit;
• zhvillimin e preboarding-ut dhe onboarding-ut;
• matjen e efektivitetit të procesit të rekrutimit.

Pas përfundimit, pjesëmarrësit do të jenë në gjendje të:

• planifikojnë një proces të plotë dhe të strukturuar rekrutimi;
• përgatisin përshkrimin e pozitës dhe profilin e kandidatit;
• vlerësojnë CV-të sipas kritereve të përcaktuara;
• zhvillojnë intervista profesionale pa improvizim;
• vlerësojnë kandidatët me kritere të njëjta dhe objektive;
• marrin vendime punësimi të dokumentuara;
• krijojnë përvojë profesionale për kandidatët;
• organizojnë kalimin nga përzgjedhja te onboarding-u.

Kujt i dedikohet trajnimi?

Trajnimi u dedikohet:

• drejtuesve të Burimeve Njerëzore;
• HR Business Partners;
• specialistëve të rekrutimit;
• specialistëve të Burimeve Njerëzore;
• specialistëve të Talent Acquisition;
• menaxherëve të departamenteve;
• drejtuesve dhe pronarëve të bizneseve;
• profesionistëve që marrin pjesë në intervistimin dhe përzgjedhjen e kandidatëve.

Kushtet paraprake për pjesëmarrje

Nuk kërkohen njohuri teknike ose përvojë paraprake në rekrutim. Trajnimi është i përshtatshëm për të gjitha nivelet dhe për profesionistët që planifikojnë, zhvillojnë ose marrin vendime gjatë procesit të rekrutimit.

Formati

Trajnimi ofrohet:

• fizikisht në klasë;
• online;
• në format hibrid, varësisht nga organizimi i grupit.

Lokacioni

Anchor Institute
Rr. Sylejman Vokshi, nr. 22
10000 Prishtinë, Kosovë

Data e fillimit dhe afati për aplikim

Afati për aplikim:

Deri në plotësimin e vendeve.

Trajnimi organizohet me 12–20 pjesëmarrës, për të mundësuar ndërveprim, diskutim dhe punë praktike.

Orari, kohëzgjatja dhe numri i përgjithshëm i orëve

Orari:

17:00–20:00

Kohëzgjatja:

1 ditë

Numri i përgjithshëm i orëve:

3 orë

Gjuha

Trajnimi mbahet në gjuhën shqipe. Modelet, terminologjia dhe materiale të caktuara profesionale mund të ofrohen edhe në gjuhën angleze.

Çmimi

• Çmimi Early Bird: 65 €, vetëm për pesë regjistrimet e para
• Çmimi standard: 99 €

Çmimi përfshin pjesëmarrjen në trajnim, materialet, mjetet praktike dhe certifikatën digjitale.

Lloji i certifikatës

Pas përfundimit të trajnimit, pjesëmarrësit pajisen me Certifikatë të Përfundimit për trajnimin “Rekrutimi dhe Përzgjedhja e Kandidatëve”, të lëshuar nga Anchor Institute.

Secila certifikatë përmban kod unik, link personal dhe kod QR, përmes të cilave punëdhënësit dhe institucionet mund ta verifikojnë menjëherë online autenticitetin e saj.

Certifikata mund të shtohet në LinkedIn, të përfshihet në CV dhe në portofolin profesional, të publikohet në rrjetet sociale ose të ndahet gjatë aplikimeve për punë. Ajo mbetet e ruajtur dhe e qasshme online në çdo kohë.

Statusi i akreditimit dhe institucioni akreditues

Trajnimi është program profesional i zhvilluar dhe ofruar nga Anchor Institute dhe nuk paraqet kualifikim akademik apo program të akredituar nga një institucion publik.

Certifikata është profesionale, digjitale dhe e verifikueshme ndërkombëtarisht. Ajo lëshohet përmes Certifier, platformë ndërkombëtare për menaxhimin dhe verifikimin e kredencialeve digjitale, e përdorur nga mbi 2,000 kompani, organizata dhe institucione arsimore, përfshirë UC Berkeley, University of Birmingham dhe Amazon.

Certifier mundëson lëshimin dhe verifikimin digjital të certifikatës, por nuk vepron si institucion akreditues.

Emri dhe përshkrimi i trajneres

Dr. Arta Koka Grubi
Eksperte e Menaxhimit Strategjik të Burimeve Njerëzore dhe Zhvillimit Organizativ
Dr. Arta Koka Grubi mban dy tituj doktorature dhe ka mbi 20 vjet përvojë drejtuese në sektorin korporativ, publik dhe akademik. Ajo është ekzekutive e certifikuar CHRO dhe ka dhënë kontribut në kërkimin shkencor ndërkombëtar në Menaxhimin e Burimeve Njerëzore dhe Ekonominë e Punës.

Është vlerësuar me çmimin ndërkombëtar Global Women Corporate Award. Në rolin e Drejtoreshës së Burimeve Njerëzore dhe Anëtares së Bordit Menaxhues në IPKO Telecommunications, ajo udhëheq procese të planifikimit të fuqisë punëtore, rekrutimit, menaxhimit të talenteve dhe transformimit të funksionit HR.

Përvoja e saj përfshin drejtimin e proceseve të rekrutimit në shkallë të gjerë, intervistimin e bazuar në kompetenca, vlerësimin e kandidatëve dhe përdorimin e People Analytics për vendimmarrje më të saktë. Gjithashtu, shërben si Anëtare e Bordit Këshillues në HR-Talent Exchange për Shqipëri dhe Kosovë.

Informata të tjera relevante

• Trajnimi është interaktiv dhe i orientuar drejt zbatimit praktik.
• Pjesëmarrësit punojnë me raste dhe shembuj nga proceset e rekrutimit.
• Përfshihen modele për profilin e kandidatit, vlerësimin e CV-ve dhe intervistat e bazuara në kompetenca.
• Materialet mund të përshtaten dhe të përdoren në organizatën e pjesëmarrësit.
• Numri i pjesëmarrësve është i kufizuar në 12–20 persona.
• Për marrjen e certifikatës kërkohet pjesëmarrja në trajnim.