Zyrtar i Lartë për Thesar në Njësinë e Tregjeve Financiare

	 	 
NLB Banka sh. a., me seli në Prishtinë, SHPALL
KONKURS PUNE
për zgjedhjen e kandidatit për vendin e punës:
Zyrtar i Lartë për Thesar në Njësinë e Tregjeve Financiare (një vend pune): 
KUALIFIKIMET DHE AFTËSITË E KËRKUARA

Diplomë universitare në Ekonomi ose lëmi të ngjashme;
Obligohet se paku 3 vite përvojë pune në sektorin bankar dhe financiar, e preferueshme në Tregje Financiare;
Integritet, etikë profesionale dhe besueshmëri në trajtimin e çështjeve të ndjeshme;
Njohuri të avancuara të Microsoft Office;
Shkathtësi të shkëlqyeshme komunikuese;
Nivel i lartë i gjuhës angleze, në të folur dhe në të shkruar.

PËRSHKRIMI I DETYRAVE TË VENDIT TË PUNËS

Monitoron zhvillimet dhe lëvizjet në tregjet financiare.
Analizon strukturën e aktiveve dhe pasiveve të Bankës.
Përgatit projeksione dhe skenarë për likuiditetin, pozicionet e normave të interesit dhe strukturën e bilancit, për nevojat e marrjes së vendimeve biznesore.
Përgatit raporte të ndryshme dhe punon me databaza përkatëse.
Monitoron ekspozimin e Bankës ndaj rreziqeve të tregut.
Përfundon marrëveshje për mbrojtjen (hedging) e Bankës nga rreziqet e tregut.
Menaxhon portofolin e letrave me vlerë të borxhit.
Angazhohet në promovimin aktiv, marketingun dhe/ose shitjen e shërbimeve bankare dhe financiare ndaj bankave të tjera dhe institucioneve financiare të huaja (corporate custody).
Inicion dhe zhvillon marrëdhënie dhe marrëveshje biznesi.
Kryen transaksione sipas urdhrave të klientëve.
Monitoron operacionet e klientëve dhe vlerësimin e rrezikut kreditor të tyre, si dhe përgatit informacione për vlerësimin kreditor.
Administron dokumentacionin e biznesit në përputhje me procedurat në fuqi.
Ndjek zhvillimet në tregun vendor dhe ndërkombëtar.
Monitoron dhe analizon zhvillimet biznesore, financiare, ekonomike dhe politike në tregjet ndërkombëtare.
Përgatit dhe zbaton procedurat për sigurimin e burimeve financiare brenda dhe jashtë vendit.
Ofron këshillim në sigurimin e financimit në tregjet vendore dhe ndërkombëtare të kapitalit.
Promovon aktivitetet dhe finalizon kontrata që lidhen me sigurimin e fondeve.
Përgatit propozime për marrjen e vendimeve përkatëse.
Trajton dhe zgjidh ankesa në kuadër të kompetencave.
Koordinon, mbikëqyr dhe monitoron procesin e punës.
Propozon dhe/ose zbaton përmirësime në proceset dhe aktivitetet e thesarit.
Angazhohet në mentorim dhe transferim të njohurive profesionale.
Merr pjesë në projekte ekipore dhe grupe pune.
Vepron në funksion të bashkëpunimit dhe shërbimit ndaj institucioneve financiare.

Aplikacioni duhet të plotësohet direkt në web faqen e Bankës https://www.nlb-kos.com/sq/per-banken/konkurs-per-pune, deri më 23 korrik 2026. Me rastin e plotësimit të aplikacionit, duhet të bashkëngjitet kopja e diplomës së kualifikimit dhe CV-ja.
Vetëm kandidatët që i plotësojnë kualifikimet dhe aftësitë e kërkuara sipas këtij konkursi, do të ftohen në procesin e përzgjedhjes.