Zyrtar i Lartë Kreditor (Drenas)

	 	 
Kjo shpallje pune ka skaduar. Kerko me shume oferta pune te lira ne Portal

KosInvest hap konkurs pune për pozitën si në vijim:
Zyrtar i Lartë Kreditor - për Rajonin e Drenasit
(një pozicion)
KosInvest Institucion Mikrofinanciar i licencuar nga Banka Qendrore e Kosovës, si pjesë e grupit Vision Fund International, që operon në 28 shtete të botës, përmes kredive është i angazhur në “Përmirësimin e jetesës së familjeve me të hyra të ulta dhe përkrahje të projekteve zhvllimore të komuniteteve me qëllim të rritjes së mirëqenies ekonomike të këtyre kategorive. 
Kriteret e Nevojshme për Pozitën e Zyrtarit/es së Lartë Kreditor/e

Diplomë bachelor në Menaxhment, Ekonomi, Financa, ose fushë tjetër relevante.
Përvojë e mëparshme e punës të paktën 2 vjeçare, në ndonjë Institucion Mikrofinanciar dhe/ose Bankë, veçanërisht në rolin e Zyrtarit Kreditor.
Të jetë i/e aftë të udhëheqë proceset e kredidhënies.
Njohuri të mira të parimeve të mikrofinancës, praktikave të huadhënies dhe vlerësimit të rrezikut.
Aftësi për të arritur objektivat dhe për të përmbushur targetet e kredidhënies, duke ndjekur standardet dhe procedurat e institucionit.
Aftësi për të punuar në bashkëpunim si pjesë e një ekipi dhe në mënyrë të pavarur kur kërkohet.
Të jetë i/e aftë dhe i/e gatshëm për të punuar në mënyrë të drejtë me të gjitha grupet etnike.
Të ketë njohuri të kërkesave ligjore dhe rregullative përkatëse në industrinë mikrofinanciare.
Njohuri shumë të mira të gjuhës shqipe (e folur dhe e shkruar). Njohja e gjuhës angleze ose serbe është përparësi.
Shkathtësi kompjuterike në MS Word dhe EXCEL.
Gatishmëri për të mësuar dhe përdorur sisteme të tjera, si Sistemi i Klientëve të Mikrofinancës.
Të jetë i/e aftë dhe i/e motivuar për të punuar me njerëzit dhe për të ndihmuar në zhvillimin e komuniteteve lokale.
Është i/ e obligueshëm të ketë patent shofer dhe të jetë i/e gatshëm të udhëtojë brenda Kosovës.

Përgjegjësitë Kryesore:

Planifikon dhe zhvillon aktivitete marketingu në zonat e caktuara gjeografike, me qëllim promovimin e produkteve dhe shërbimeve të KosInvest.
Siguron komunikim efektiv dhe profesional me klientët dhe palët e tjera të interesuara për të gjitha produktet dhe shërbimet e institucionit.
Përzgjedhja e Klientit, Regjistrimi dhe Shpërndarja e Kredive në përputhje me Politikat dhe Procedurat e KosInvest.
Monitoron dhe menaxhon vonesat në portfolion kreditore, duke ndërmarrë masa të menjëhershme për rikuperim dhe ulje të rrezikut.
Asiston zyrën ligjore në rastet e ekzekutimeve të kredive, sipas kërkesës së Menaxherit të Degës.
Zbaton me përpikëri politikat dhe procedurat e brendshme të KosInvest dhe siguron përputhshmëri me rregulloret në fuqi.
Çdo detyrë tjetër sipas kërkesës nga Menaxhmenti i KosInvest dhe nga Menaxheri i Degës.
Pjesëmarrja në trajnimet e KosInvestit, takimet dhe ngjarjet e tjera.

Do të kontaktohen vetëm kandidatët e përzgjedhur.
CV së bashku me referencat i dërgoni në adresën e mëposhtme: kosinvest@wvi.org
Ju lutem të shënoni pozitën dhe rajonin përkatës në subjekt të emailit.  
Afati i fundit për dorëzimin e dokumenteve të kërkuara është 14 Shtator 2026.