Termat e Referencës - Angazhimi i Ekspertit/es për Analizimin e nevojave, mundësive dhe boshllëqeve ligjore për fuqizimin e angazhimit prindëror në shkolla dhe komunitete

	 	 

Termat e Referencës
Angazhimi i Ekspertit/es për Analizimin e nevojave, mundësive dhe boshllëqeve ligjore për fuqizimin e angazhimit prindëror në shkolla dhe komunitete
Hyrje
Syri i Vizionit (SiV) është regjistruar zyrtarisht si organizatë joqeveritare lokale në shtator të vitit 2001, por ka filluar të funksionojë edhe më herët, që nga viti 1999, si Organizatë e Bazuar në Komunitet (CBO) në komunën e Pejës.
Që nga themelimi, motoja e organizatës ka qenë: “Mendo globalisht, vepro lokalisht”, parim të cilit SiV i ka qëndruar vazhdimisht besnik në punën dhe angazhimin e saj.
Vizioni ynë: Organizatë që realizon veprime lokale të bazuara në praktikat më të mira
Misioni ynë:  Mbështetja e komunitetit përmes informimit, avokimit, vetëdijesimit dhe ngritjes së kapaciteteve të individëve, grupeve joformale, organizatave, institucioneve, rrjeteve dhe donatorëve.
Vlerat tona: Respektimi i të gjithëve pa dallim, puna në ekip dhe ndihma ndaj njëri tjetrit, hapësira e veprimi për vullnetarët, besimi dhe përgjegjshmëria, qasja bashkëpunuese dhe gjithëpërfshirja

 Informata të përgjithshme

Në kuadër të programit tematik “Fuqizimi i Fëmijëve për Ndryshim Politikash dhe Pjesëmarrje”, organizata Syri i Vizionit (SiV), në partneritet me Save the Children – Zyra në Kosovë (SCiK), po punon për të fuqizuar pjesëmarrjen e fëmijëve në proceset vendimmarrëse dhe avokuese në nivel lokal dhe nacional, si dhe për të kontribuar në përmirësimin e politikave, praktikave dhe mekanizmave që lidhen me mbrojtjen, mirëqenien dhe realizimin e të drejtave të fëmijëve në shkolla dhe komunitet.
Në këtë kuadër, do të realizohet një analizë e nevojave, mundësive dhe boshllëqeve ligjore e institucionale që lidhen me angazhimin e prindërve dhe përgjegjësinë prindërore në sistemin arsimor. Analiza do të fokusohet në natyrën e përgjegjësisë prindërore në kontekstin arsimor, duke shqyrtuar të drejtat dhe detyrimet administrative dhe institucionale të prindërve në raport me edukimin dhe arsimimin e fëmijëve, bashkëpunimin me institucionet arsimore dhe mbështetjen e pjesëmarrjes dhe mirëqenies së fëmijëve në shkollë dhe komunitet.
III.  Sfondi
Angazhimi i prindërve në shkolla dhe komunitet është një komponent i rëndësishëm për promovimin e zhvillimit, mirëqenies dhe suksesit arsimor të fëmijëve. Pjesëmarrja aktive e prindërve në proceset edukativo-arsimore dhe bashkëpunimi i tyre me institucionet arsimore kontribuojnë në krijimin e një mjedisi të sigurt, gjithëpërfshirës dhe mbështetës për fëmijët.
Megjithëse korniza ligjore dhe politikat arsimore në Kosovë parashohin forma të ndryshme të bashkëpunimit ndërmjet prindërve, shkollave dhe komunitetit, vazhdojnë të ekzistojnë sfida që lidhen me nivelin e angazhimit prindëror, qartësinë e roleve dhe përgjegjësive, si dhe efektivitetin e mekanizmave institucionalë për promovimin e pjesëmarrjes së prindërve.
Për këtë arsye, ekziston nevoja për një analizë të nevojave, mundësive dhe boshllëqeve ligjore e institucionale që ndikojnë në angazhimin e prindërve në shkolla dhe komunitete, si dhe për identifikimin e praktikave dhe mekanizmave mbështetës që mund të kontribuojnë në forcimin e këtij angazhimi.
Analiza do të fokusohet në natyrën e përgjegjësisë prindërore në kontekstin arsimor, duke shqyrtuar të drejtat dhe detyrimet administrative dhe institucionale të prindërve në raport me sistemin arsimor, përfshirë bashkëpunimin me shkollat, mbështetjen e vijimit të rregullt të arsimit dhe pjesëmarrjen në proceset që lidhen me zhvillimin dhe mirëqenien e fëmijëve. Aspektet e përgjegjësisë civile dhe penale do të trajtohen vetëm në masën që ndërlidhen drejtpërdrejt me sistemin arsimor dhe realizimin e të drejtës së fëmijës për arsim. 

 Objektiva

Realizimi i një analizë ligjore dhe krahasuese e kornizës ekzistuese në Kosovë dhe e praktikave ndërkombëtare, me qëllim identifikimin e nevojave, mundësive ligjore dhe institucionale, boshllëqeve dhe praktikave mbështetëse për forcimin e angazhimit të prindërve në shkolla dhe komunitete, si dhe përmirësimin e bashkëpunimit ndërmjet prindërve, institucioneve arsimore dhe akterëve të tjerë relevantë për mirëqenien dhe zhvillimin e fëmijëve.. 
V Objektivat specifike:
Raporti final duhet të paraqesë një analizë gjithëpërfshirëse dhe të bazuar në evidencë, duke përfshirë:

Hyrjen, e cila përshkruan kontekstin, arsyetimin dhe qëllimin e analizës, si dhe rëndësinë e forcimit të angazhimit të prindërve në shkolla dhe komunitete. 
Metodologjinë, duke sqaruar qasjen e përdorur për mbledhjen dhe analizimin e të dhënave, burimet e informacionit, konsultimet me palët e interesit dhe metodat e hulumtimit. 
Analizën e kornizës ligjore dhe institucionale në Kosovë, duke shqyrtuar legjislacionin, politikat, strategjitë dhe mekanizmat ekzistues që rregullojnë dhe mbështesin angazhimin e prindërve në sistemin arsimor dhe në komunitet. 
Analizën krahasuese ndërkombëtare, përmes identifikimit dhe prezantimit të praktikave të mira, modeleve dhe përvojave nga vendet e tjera që mund të shërbejnë si referencë për kontekstin e Kosovës. 
Identifikimin e boshllëqeve, sfidave dhe nevojave, duke analizuar mospërputhjet ndërmjet kornizës ligjore dhe zbatimit në praktikë, si dhe pengesat që kufizojnë pjesëmarrjen efektive të prindërve. 
Rekomandimet konkrete dhe të zbatueshme, të orientuara drejt përmirësimit të politikave, legjislacionit dhe praktikave institucionale, me qëllim forcimin e angazhimit të prindërve në shkolla dhe komunitete dhe krijimin e mekanizmave më të qëndrueshëm të bashkëpunimit ndërmjet familjes, shkollës dhe institucioneve relevante. 

Raporti duhet të përfshijë gjithashtu përfundime të qarta dhe propozime për hapat e mëtejmë, duke ofruar një bazë për zhvillimin e politikave dhe ndërhyrjeve të ardhshme në këtë fushë.

 Rezultatet e pritshme 


Raport analitik mbi kuadrin ligjor dhe institucional në Kosovë për angazhimin e prindërve në shkolla dhe komunitete, duke përfshirë hartëzimin e dispozitave dhe mekanizmave kryesorë ekzistues, si dhe identifikimin e boshllëqeve dhe mundësive për përmirësim; 
Analizë krahasuese ndërkombëtare (minimum 3 vende) mbi modelet dhe praktikat e suksesshme për forcimin e angazhimit të prindërve në sistemet arsimore; përfshirë identifikimin e praktikave të zbatueshme në kontekstin e Kosovës; 
Përmbledhje me rekomandime të qarta dhe të zbatueshme, të bazuara në evidencë dhe të përshtatura për kontekstin institucional dhe ligjor të Kosovës, dedikuar institucioneve relevante;
Një Policy brief, 2–4 faqe qe përmban përmbledhje ekzekutive dhe rekomandime kryesore në formë të qartë dhe të shkurtër .

VII. Kualifikimi i nevojshëm:

Diplomë universitare në juridik, politika publike ose shkenca sociale edukim ose fusha të ngjashme;
Minimum 5 vite përvojë në analiza ligjore dhe politika publike, me fokus në fushën e arsimit dhe të drejtave të fëmijëve;
Përvojë e dëshmuar në fushën e arsimit ose mbrojtjes së fëmijëve, përfshirë njohuri praktike mbi funksionimin e institucioneve arsimore dhe ndërveprimin shkollë–komunitet;
Aftësi të shkëlqyera analitike dhe raportuese;
Njohuri të avancuara të sistemit ligjor dhe institucional të Kosovës, veçanërisht të legjislacionit dhe politikave në fushën e arsimit, si dhe mekanizmave të zbatimit në nivel qendror dhe lokal;Përvojë në hartimin e rekomandimeve për politika publike ose instrumente normative (udhëzime administrative, rregullore ose politika sektoriale), me aftësi për t’i përkthyer gjetjet analitike në masa konkrete dhe të zbatueshme për institucionet relevante;
Njohuri shumë të mira të gjuhës shqipe dhe angleze.

VIII. Detyrat dhe Përgjegjësitë:
Eksperti/ja do të:

Hartojë dhe zbatoj metodologjinë e punës, duke siguruar një qasje gjithëpërfshirëse dhe të balancuar që integron perspektivat e akterëve relevantë (përfshirë prindërit, shkollat dhe institucionet e tjera përgjegjëse),
Raportin përfundimtar të analizës, i cili përmbledh kuadrin ligjor dhe institucional në Kosovë, analizën krahasuese ndërkombëtare, si dhe gjetjet kryesore lidhur me nevojat, boshllëqet dhe praktikat mbështetëse për angazhimin e prindërve në shkolla dhe komunitete;
Të ofroj rekomandime të qarta dhe të zbatueshme, të bazuara në evidencë dhe të përshtatura për kontekstin institucional dhe ligjor të Kosovës, dedikuar institucioneve relevante; 
Realizojë konsultime me akterë relevantë, sipas nevojës, gjatë procesit të analizës;
Integrojë komentet dhe inputet e pranuara nga palët relevante gjatë procesit të rishikimit;
Koordinim të ngushtë me SIV gjatë gjithë procesit të angazhimit për të siguruar që metodologjia e punës është e përshtatshme, gjithëpërfshirëse dhe në përputhje me kërkesat e këtij ToR,. Gjithashtu, do të mbështesë dokumentimin e procesit të analizës përmes mbledhjes dhe sistematizimit të të dhënave relevante, përfshirjes së inputeve nga konsultimet me akterët relevantë, si dhe përgatitjes së raportit përfundimtar të konsulencës që përmbledh gjetjet kryesore dhe rekomandimet.
Përgatisë dhe dorëzojë raportin përfundimtar të konsulencës dhe dokumentet përkatëse sipas këtij ToR.


 Angazhimi i Trajnerit/es:

Trajneri/ja do të angazhohet me anë të një kontrate për shërbim me Syri i Vizionit- nën koordinimin e Menaxherit të Financave dhe Administratës. Në këtë kontratë do të përcaktohen në mënyrë specifike pikat të cilat nuk janë të përfshira në këtë dokument. Angazhimi do të bëhet gjatë muajit Korrik dhe Gusht në bazë ditore, ku do të përfshihen aktivitetet e mëposhtme:



 Kushtet e Pagesës:

Pagesa bëhet pas dorëzimit dhe aprovimit të raportit final, Policy Brief-it dhe dokumentit me opsione ligjore, si dhe raportit narrativ dhe timesheet-it. Në bazë të ligjit të Kosovës, Syri i Vizionit është po ashtu i obliguar që të paguajë tatimin (taksa dhe Pension) prej 10% të shumës bruto. 

 Dokumentet e kërkuara dhe procedura për aplikim:


Metodologjinë e punës ;  
Një letër interesi që paraqet arsyet që ai/ajo është i/e përshtatshëm dhe ka njohuri dhe eksperiencë në këtë fushë apo fusha të ngjashme;
Diplomë Universitare qe dëshmon kualifikimin e tij/saj; 
Curriculum Vitae (CV);
Propozimi financiar bruto* 

*Oferta  financiare duhet të jetë e hollësishme për secilën punë që do të realizohet, duke përfshirë, zhvillimin e strategjisë dhe materialet e punëtorisë, mbajtjen e punëtorisë dhe shkrimin e raportit. Çdo shpenzim shtesë nuk do merret parasysh.
Aplikacionet duhet të dorëzohen në formë elektronike në e-mail adresën: office@syriivizionit.org ose info@syriivizionit.org me subjektin: Aplikim – Ekspertit/es për analizë ligjore mbi përgjegjësinë ligjore dhe institucionale të prindërve ndaj shkollës, sjelljes, sigurisë dhe mirëqenies së fëmijëve Afati i fundit për dorëzimin e aplikacionit është 24 korrik 2026 ora 16:00. 
Vetëm kandidatët e suksesshëm do të kontaktohen!