Hapet thirrja për bursat “LULËZOJNË”, mbështetje deri në 1,000 euro për studentët

	 	 
Bursa "LULËZOJNË" ka për qëllim që të mbështesë të rinj të motivuar, të cilëve u nevojitet ndihmë financiare dhe mundësi zhvillimi për të vazhduar studimet Bachelor, dhe njëkohësisht për të kontribuar në komunitetin ku bëjnë pjesë.
Cilat janë kriteret për aplikim?
Për bursën “LULËZOJNË” mund të aplikojnë studentët/et mbi 18 vjeç që:

Janë të regjistruar në studime universitare të nivelit Bachelor
 Kanë angazhim të dëshmuar në komunitet;
Vijnë nga grupe të margjinalizuara (vajza, të rinj nga zona rurale, me të ardhura të ulëta, studentë të brezit të parë, etj.);
Kanë sukses të kënaqshëm akademik me notë mesatare mbi 0;
Kanë bërë punë vullnetare dhe kanë kontribuar në komunitet dhe janë të motivuar për të vazhduar kontributin në komunitetin e tyre.

Cilat bursa ofrohen dhe për cilën mund të aplikoni?
Në kuadër të “LULËZOJNË”, dhurohen këto bursa nga këta mbështetës:
Bursat me kritere të veçanta:

Bursa LULËZOJNË x ISA Consulting Group - studentë/e të vitit të 3 në fushën e TIK;
Bursa LULËZOJNË x Mehmet Gjevori - vajza nga zona rurale të pasionuara për edukimin, ligjin, gjuhën shqipe dhe vullnetarizmin;
Bursa LULËZOJNË x Fatlinda Drejta Karahoda - vajza që studiojnë farmaci, mjekësi ose shkencat të tjera mjekësore.

Bursa e Hapura “LULËZOJNË”, pa kritere të veçanta, ku mund të aplikojnë të gjithë studentët pa përjashtim:

Bursa LULËZOJNË x Richard Lukaj, të mbështetura nga Richard Lukaj;
Bursa LULËZOJNË x Cami Family Foundation, të mbështetura nga Ronald Cami;
Bursa LULËZOJNË x Avdi Kastrati Family, të mbështetura nga Avdi Kastrati Family;
Bursa LULËZOJNË x AR Legacy, të mbështetura nga Egzona Bejtullahu;
Bursa LULËZOJNË x VLERA, nga Shoqata e Studentëve Shqiptarë në Belgjikë;
Bursa LULËZOJNË x AEAUG, nga Shoqata e Studentëve Shqiptarë në Gjenevë;
Bursa LULËZOJNË x Komuniteti Shqiptar në Londër;
Bursa LULËZOJNË x Evidence Synthesis

Çka përfshin bursa?
Deri në 1,000€ (duke përfshirë taksat e të ardhurave personale) që mund të përdoren për:

Pagesa të semestrit
Qera dhe banim
Ushqim dhe transport
Librat dhe pajisje shkollore
Teknologji (laptopë, internet, printerë)
Kujdes shëndetësor dhe psikologjik,

Mundësi për punë praktike (opsionale) në organizata apo kompani që lidhen me fushën e studimeve;
Promovim në rrjetet e TOKA-s për të treguar rrugëtimin tuaj me bursën “LULËZOJNË”.
Nxitoni dhe aplikoni përmes këtij LINKU, deri më 2 gusht 2026, ora 23:59, për ta bërë këtë bursë tuajën!
Bursat “Lulëzojnë” 2026 po mundësohen falë mbështetjes bujare të dhuruesve tanë të deritanishëm: ISA Consulting Group, Cami Family Foundation, Richard Lukaj, Avdi Kastrati Family, Burim Karahoda dhe Kreshnik Hoxha, Familja Xharra, Egzona Bejtullahu, Ilir Hoxha, Shoqata e Studentëve Shqiptarë VLERA - Belgjikë, Shoqata e Studentëve Shqiptarë AEAUG - Gjenevë, Komuniteti Shqiptar në Londër, Virtyt Gacaferri, Liridon Latifi, Edi Islami, Lirak Krasniqi, Dajana Kullolli, Camërie Mazreku, Alban Rrustemi, Bajrush Halili.