Specialist i Lartë për Menaxhim të Rrezikut Kreditor (m/f)
Jemi duke kërkuar një profesionist me përvojë në fushën e Rrezikut Kreditor, i cili kombinon një kuptim të fortë të biznesit bankar dhe kreditimit me aftësi të avancuara analitike dhe kuantitative.
Kompetencat:
- Diplomë Universitare (preferohet Bachelor në Ekonomi, Ekonometri, Banka dhe Financa, Menaxhment, apo Matematikë Financiare, (ose fushë të ngjashme);
- Minimum 4 vite përvojë në menaxhimin e rrezikut kreditor në sektorin bankar; ose minimum 5 vite përvojë profesionale në fusha si financa, auditimi, modelimi statistikor, analiza financiare ose profesione të ngjashme;
- Përvojë praktike në vlerësimin e rrezikut kreditor dhe proceset e kreditimit, me kuptim solid të analizës së pasqyrave financiare, analizës së cash flow-it, raporteve financiare, dhe faktorëve të rrezikut kreditor të portfolios kreditore;
- Përvojë praktike në zhvillimin, mirëmbajtjen ose validimin e modeleve sipas SNRF 9 (PD, LGD, EAD, ECL, Internal Rating);
- Aftësi të forta analitike dhe të zgjidhjes së problemeve, me aftësinë për të analizuar çështje komplekse të rrezikut kreditor
- Orientim drejt përmirësimit të vazhdueshëm dhe iniciativë në identifikimin e mundësive për zhvillim;
- Aftësi të avancuara në Microsoft Excel (Power Query, Pivot Tables, formulat komplekse) dhe paketën Microsoft Office;
- Njohuri në Python ose R për analizë të të dhënave dhe automatizim;
- Njohuri në SQL, Power BI ose mjete të ngjashme për analizë dhe vizualizim;
- Aftësi të forta të gjuhës angleze (në të folur dhe në të shkruar).
Përshkrimi i vendit të punës:
- Kryen analiza periodike të portofoleve kreditore Retail dhe Biznes, duke identifikuar faktorët kryesorë të rrezikut dhe duke i kthyer vëzhgimet në rekomandime për metodologjitë, modelet dhe risk appetite;
- Analizon praktikat e kreditimit dhe performancën e portofolit për të identifikuar rreziqe në zhvillim, dobësi dhe mundësi për përmirësimin e modeleve, metodologjive dhe politikave të kreditimit;
- Zhvillon dhe mirëmban matricat e migrimit, vintage analysis dhe modelet e brendshme të rrezikut kreditor për të monitoruar cilësinë e portfolios;
- Zhvillon, kalibron dhe mirëmban modelet PD, LGD, EAD dhe ECL, dhe siguron monitorimin e vazhdueshëm të performancës së tyre;
- Koordinon ciklin e SNRF 9: kriteret e stazhimit (staging), triggerët e SICR, logjikën e kalkulimit të ECL dhe dokumentacionin përkatës;
- Kryen backtesting, benchmarking të rezultateve të modeleve kundrejt rezultateve reale dhe analiza te sensitivitetit;
- Koordinon ushtrimet e stres testeve dhe analizat e skenarëve
- Përgatit dhe siguron cilësinë e analitikës për raportimet rregullative për BQK dhe autoritetet e tjera përkatëse, duke siguruar përputhshmëri të vazhdueshme të metodologjisë me kërkesat rregullative;
- Merr pjesë në zhvillimin, kalibrimin, testimin dhe monitorimin e modelit të vlerësimit të brendshëm të rrezikut kreditor;
- Përgatit dhe mirëmban dokumentacionin metodologjik dhe funksional për modelet, proceset dhe raportet e menaxhimit të riskut;
- Automatizon proceset e përsëritura analitike, të monitorimit dhe raportimit;
- Bashkëpunon me departamentet e biznesit, financave, IT-së dhe auditimit për implementimin e iniciativave dhe projekteve të menaxhimit të riskut;
- Përgatit analiza dhe raporte periodike për Menaxhmentin, Komitetet e Riskut dhe autoritetet rregullative.
Çfarë ofrojmë ne?
- Një mjedis pune që promovon komunikimin e hapur dhe transparent;
- Mundësi për rritje profesionale brenda një mjedisi dinamik bankar;
- Mbulim të sigurimit shëndetësor për punonjësin;
- Të premten me orar të shkurtuar pune.
Procedura e aplikimit:
Plotësoni formularin për aplikim online. Pas seleksionimit të dokumentacionit, vetëm kandidatët që hyjnë në listën e ngushtë do të ftohen për fazat e mëtejshme të përzgjedhjes. Siguria e të dhënave dhe respektimi i parimeve të privatësisë janë shumë të rëndësishme për ne; të dhënat tuaja do të trajtohen me konfidencialitet të plotë.
Afati i aplikimit: deri më 27 korrik 2026.
