Vendimmarrje dhe Gjykim Profesional

Program praktik për profesionistët që duan ta filtrojnë informacionin, t'i vlerësojnë përgjigjet e AI-së dhe të marrin vendime të arsyetuara me qartësi dhe përgjegjësi.

Përshkrimi i trajnimit

AI mund të propozojë përgjigje, por gjykimi njerëzor përcakton cilën duhet ta besojmë dhe si duhet të veprojmë. Kur informacioni është i pakufizuar, avantazhi qëndron te aftësia për ta vlerësuar, vendosur në kontekst dhe kthyer në vendim.

Trajnimi i ndihmon pjesëmarrësit ta ndajnë faktin nga zhurma, t'i vlerësojnë supozimet dhe kufizimet e përgjigjeve të gjeneruara nga AI dhe të vendosin mbi kritere të qarta, edhe kur siguria e plotë nuk ekziston.

Shkathtësitë dhe rezultatet e pritshme

• Ta filtrojnë informacionin dhe të dallojnë çfarë ka vërtet rëndësi për vendimin.
• Ta dallojnë një përgjigje bindëse nga një përgjigje e saktë dhe e besueshme.
• T'i vlerësojnë supozimet, kufizimet dhe burimet e përgjigjeve të AI-së.
• Të përdorin kritere të qarta për të krahasuar alternativa dhe për të zvogëluar paragjykimet.
• Të vendosin në paqartësi duke ruajtur gjykimin dhe përgjegjësinë njerëzore.

Kujt i dedikohet

Profesionistëve, menaxherëve, vendimmarrësve dhe kujtdo që përdor informacionin ose mjetet e AI-së për analiza, rekomandime dhe vendime në punë. Nuk kërkohen njohuri teknike paraprake.

Metodologjia

Programi zhvillohet përmes rasteve praktike, ushtrimeve të vlerësimit, krahasimit të alternativave dhe analizës së përgjigjeve të gjeneruara nga AI. Pjesëmarrësit përdorin kritere konkrete për të kontrolluar informacionin, arsyetuar zgjedhjet dhe marrë përgjegjësi për vendimin.

Trajneri

Arben Salihu është instruktor i aftësive të buta, ekspert zhvillimi dhe coach, me përvojë në trajnimin e profesionistëve dhe ekipeve që nga viti 2011. Është themelues i Soft Skills Academy dhe instruktor në RIT Kosovo. Gjatë punës së tij ka trajnuar mbi 5 000 pjesëmarrës.

Informata kryesore

Formati:

Fizik, me pjesëmarrje në klasë

Gjuha:

Shqip

Certifikata:

Certifikatë pjesëmarrjeje nga Soft Skills Academy

Akreditimi:

Program jo i akredituar. Nuk ekziston standard deri më sot për këtë program

Afati për aplikim:

10 dhjetor 2026, ose deri në plotësimin e vendeve