Bashkëpunim Njerëzor

Program praktik për profesionistët që duan të ndërtojnë besim, të bashkojnë perspektiva të ndryshme dhe ta kthejnë punën e përbashkët në rezultate konkrete.

Përshkrimi i trajnimit

Teknologjia mund ta lehtësojë bashkëpunimin, por vetëm njerëzit mund ta bëjnë atë të funksionojë. Bashkëpunimi kërkon besim, përgjegjësi të përbashkët dhe aftësinë për t'i bashkuar dallimet rreth një rezultati të përbashkët.

Trajnimi i ndihmon pjesëmarrësit t'i dallojnë rolet, sjelljet dhe dinamikat që e forcojnë ose e pengojnë ekipin, t'i menaxhojnë mospajtimet në mënyrë produktive dhe ta koordinojnë kontributin individual.

Shkathtësitë dhe rezultatet e pritshme

• T'i dallojnë rolet, sjelljet dhe dinamikat që ndikojnë në funksionimin e ekipit.
• Të ndërtojnë besim dhe siguri në marrëdhëniet e punës.
• T'i bashkojnë perspektivat e ndryshme për të arritur zgjidhje më të mira.
• T'i menaxhojnë tensionet dhe konfliktet pa dëmtuar marrëdhëniet.
• T'i koordinojnë përgjegjësitë, komunikimin dhe kontributet drejt rezultatit të përbashkët.

Kujt i dedikohet

Anëtarëve dhe udhëheqësve të ekipeve, menaxherëve, koordinatorëve të projekteve dhe profesionistëve që punojnë me njerëz të roleve dhe perspektivave të ndryshme. Nuk kërkohen njohuri paraprake.

Metodologjia

Programi zhvillohet përmes ushtrimeve në grup, reflektimit individual, diskutimeve, simulimeve dhe situatave nga puna reale. Pjesëmarrësit analizojnë dinamika konkrete të ekipit dhe provojnë mjete për besim, koordinim dhe menaxhim produktiv të mospajtimeve.

Trajneri

Arben Salihu është instruktor i aftësive të buta, ekspert zhvillimi dhe coach, me përvojë në trajnimin e profesionistëve dhe ekipeve që nga viti 2011. Është themelues i Soft Skills Academy dhe instruktor në RIT Kosovo. Gjatë punës së tij ka trajnuar mbi 5 000 pjesëmarrës.

Informata kryesore

Formati:

Fizik, me pjesëmarrje në klasë

Gjuha:

Shqip

Certifikata:

Certifikatë pjesëmarrjeje nga Soft Skills Academy

Akreditimi:

Program jo i akredituar. Nuk ekziston standard deri më sot për këtë program

Afati për aplikim:

5 nëntor 2026, ose deri në plotësimin e vendeve