Një markë tregtare tregon se të gjitha produktet dhe shërbimet i përkasin biznesit të caktuar dhe palët e paautorizuara nuk kanë të drejtë ta shfrytëzojnë logon apo bëjnë ndonjë imitim, pa lejen e KosovaJob.
Nga sot, shërbimet dhe materialet me të cilat operon KosovaJob evidentohen si unike. Gjatë vitit të kaluar, “KosovaJob” është certifikuar edhe me standardin për cilësi ISO 9001:2015 nga organizata e mirënjohur botërore Bureau Veritas me filiale në Paris, duke u bërë kështu kompania e parë e ndërmjetësimit në punësim në Kosovë e certifikuar me këtë standard.
Për vite me radhë, përmes publikimit te shpalljeve të punës, KosovaJob ka ndikuar në rritjen e shkëmbimit të fuqisë punëtore me kompani të ndryshme, vendore dhe ndërkombëtare.
