Zyrtar/e për Çështje Ligjore dhe Mbështetje Administrative

	 	 
Zyrtar/e për Çështje Ligjore dhe Mbështetje Administrative
Informacion
Në bazë të skemës organizative në fuqi dhe nevojës për plotësimin e vendit/eve të lirë/a të punës në Njësia për Çështje Ligjore dhe Administrative më datë 23-10-2026 shpall konkurs pune:
Detyrat dhe përgjegjësitë kryesore

Monitorimin e zbatimit të legjislacionit dhe rregulloreve që rregullojnë sektorin e energjisë elektrike.
Sigurimin e pajtueshmërisë (compliance) të kontratave dhe procedurave të brendshme me kërkesat ligjore dhe rregullative.
Asistimin në përgatitjen dhe shqyrtimin e kontratave brenda departamentit.
Identifikimin e rreziqeve ligjore dhe rregullative, si dhe propozimin e masave parandaluese.
Hartimin e procedurave, udhëzimeve dhe akteve të brendshme për zbatimin e kërkesave rregullative.
Ofrimin e opinioneve ligjore dhe rregullative, si dhe pjesëmarrjen në zhvillimin dhe përmirësimin e kornizës ligjore të sektorit të energjisë.
Përgatitjen, përfaqësimin dhe zhvillimin e procedurave përmbarimore ndaj konsumatorëve të parregulluar, në përputhje me legjislacionin në fuqi.
Mbajtjen dhe përditësimin e bazës së të dhënave për procedurat përmbarimore, duke përfshirë raportimin mbi rrjedhën e procedurave dhe arkëtimet e realizuara.
Ofrimin e mbështetjes administrative për Zyrën Ligjore, duke përfshirë administrimin e dokumentacionit, arkivimin dhe përgatitjen e raporteve.
Kryerjen e detyrave të tjera që lidhen me fushëveprimin e pozitës, sipas kërkesës dhe udhëzimeve të Drejtorit të Departamentit.

Kërkesat dhe kualifikimet

Diplomë universitare në Juridik.
Minimum 1 vit përvojë pune, me ekspertizë në fushën e çështjeve ligjore dhe rregullative.
Njohuri të mira të legjislacionit vendor, sidomos në fushën e të drejtës civile, kontraktuale, administrative dhe energjisë elektrike.
Aftësi për hartimin e dokumenteve ligjore dhe administrative.
Aftësi të avancuara në përdorim të Microsoft Office dhe/ ose softuer të ngjashëm;
Aftësi të shkëlqyera në komunikim verbal dhe me shkrim në gjuhën shqipe dhe angleze;
Të posedoi patentë shoferi valid dhe aftësi për vozitje.

Dokumentet e kërkuara
Dokumentet e mëposhtme duhet të dorëzohen në një file të vetëm PDF:

CV
Diplomën e kualifikimit
Dëshmi nga përvojë e punës/Trusti
Certifikata/Vërtetimi që nuk jeni nën hetime nga Gjykata
Certifikata të trajnimeve të ndjekura

Shënime të Rëndësishme

KESCO beson në një ambient pune ku talenti, përkushtimi dhe aftësitë janë të vetmet kritere për sukses. Prandaj, inkurajojmë fuqimisht vajzat dhe gratë të aplikojnë për pozitat e hapura të punës. Jemi të përkushtuar ndaj një vendi pune gjithëpërfshirës, të barabartë dhe të mbështetur në vlera që promovojnë diversitetin dhe fuqizimin e të gjithë punonjësve.
Aplikimet e dorëzuara pas afatit të paraparë nuk pranohen dhe aplikimet e mangëta refuzohen.
Vetëm kandidatët që plotësojnë kriteret dhe që përzgjedhen në listën e ngushtë do të kontaktohen.