Zyrtar Ligjor dhe i Pajtueshmërisë

	 	 
Pozita: Zyrtar Ligjor dhe I Pajtueshmërisë
Data e publikimit: 20.10.2026
Rreth nesh:
Moneta është institucion financiar jobankar (IFJB), kompani lidere në Kosovë me seli në Prishtinë, e specializuar në ofrimin e shërbimeve financiare. E licencuar nga Banka Qendrore e Kosovës dhe MoneyGram International, Moneta ofron shërbimet e transferit të parave dhe shërbimin e pagesave nëpërmjet rrjetit të saj të agjentëve anembanë Kosovës.
Rreth pozitës:
Jeni gati për të nisur një udhëtim sfidues dhe domethënës në MONETA?
Ne jemi në kërkim të një kolegu/e të përkushtuar, profesional dhe të motivuar për t’u bashkuar me ekipin tonë në Njësinë Ligjore dhe Pajtueshmërisë.
Kandidati/ja i/e përzgjedhur do të jetë përgjegjës/e për mbështetjen ligjore të kompanisë, monitorimin e pajtueshmërisë me legjislacionin në fuqi si dhe mbrojtjen e të dhënave personale. Pozita përfshin gjithashtu ushtrimin e funksionit të Zëvendës Zyrtarit/es të AML-së gjatë mungesës ose pamundësisë së Zyrtarit/es përgjegjës/e për AML dhe Pajtueshmëri, në përputhje me autorizimet dhe kërkesat ligjore në fuqi.
Përgjegjësitë kryesore:

Ndërmerr veprime ligjore brenda autorizimeve dhe përgjegjësive të deleguara nga menaxhmenti i lartë.
Harton kontrata, marrëveshje, vendime, shkresa dhe dokumente të tjera ligjore të kërkuara nga menaxhmenti.
Ofron opinione dhe këshilla ligjore për çështjet që lidhen me veprimtarinë e kompanisë dhe marrëdhëniet me palët e treta.
Shqyrton dokumentacionin ligjor dhe vlerëson përputhshmërinë e tij me legjislacionin në fuqi dhe vendimet e organeve kompetente të kompanisë.
Harton vendime, padi, propozime, mjete juridike dhe shkresa të tjera ligjore, sipas nevojës dhe autorizimeve përkatëse.
Përcjell ndryshimet në ligje dhe akte nënligjore që ndikojnë në veprimtarinë e kompanisë dhe informon menaxhmentin për kërkesat përkatëse.
Ndihmon në hartimin, rishikimin dhe përditësimin e politikave, procedurave dhe akteve të brendshme të kompanisë, në përputhje me kërkesat ligjore dhe rregullative.
Kryen detyra të tjera që lidhen me fushëveprimin e pozitës, sipas kërkesës së mbikëqyrësit direkt.Mbështet zbatimin e kërkesave ligjore për mbrojtjen e të dhënave personale, përfshirë bashkëpunimin me Agjencinë për Informim dhe Privatësi (AIP).
Bashkëpunon me menaxhmentin dhe departamentet përkatëse për trajtimin e çështjeve ligjore dhe rregullative.

Përgjegjësitë si Zëvendës Zyrtar i AML-së:

Mbështet zbatimin dhe monitorimin e politikave dhe procedurave për parandalimin e pastrimit të parave dhe financimit të terrorizmit (AML/CFT).
Analizon transaksionet për identifikimin e aktiviteteve të pazakonta ose të dyshimta dhe mbështet raportimin në NJIF-K, sipas kërkesave ligjore.
Monitoron zbatimin e procedurave të AML/CFT në pikat vetanake dhe te agjentët e kompanisë.
Pranon dhe trajton kërkesat për të dhëna të transaksioneve nga NJIF-K, AKI, BQK, gjykatat dhe autoritetet e tjera kompetente.
Menaxhon evidencat dhe arkivin lidhur me raportimin në NJIF-K.
Organizon trajnime për punonjësit dhe agjentët për çështjet e AML/CFT dhe përgatit së paku dy herë në vit raporte për aktivitetet e realizuara në këtë fushë.
Ushtron detyrat dhe përgjegjësitë e Zyrtares së AML-së gjatë mungesës ose pamundësisë së saj për të ushtruar funksionin, në përputhje me autorizimet dhe kërkesat ligjore në fuqi.

Kualifikimet dhe aftësitë e kërkuara:

Diplomë universitare në fakultetin Juridik e obliguar;
Përvojë në fushën ligjore, pajtueshmërisë ose AML/CFT së paku 2 vite.
Njohuri të legjislacionit në fuqi dhe kërkesave rregullative për institucionet financiare jobankare.
Aftësi të mira analitike, organizative dhe komunikuese.
Integritet profesional, konfidencialitet dhe vëmendje ndaj detajeve.
Aftësi të mira të komunikimit verbal dhe me shkrim;
Njohuri të mira të gjuhës angleze;
Aftësi të mira në përdorimin e Microsoft Office

Cfarë ofrojmë ne?

Pagë konkurruese në treg, në përputhje me përvojën dhe kualifikimet e kandidatit/es.
Shujtë ditore.
Sigurim shëndetësor.
Mundësi për zhvillim profesional dhe avancim në karrierë.
Mjedis profesional dhe mundësi për të fituar përvojë në fushën ligjore dhe atë të shërbimeve financiare.

Lokacioni: Prishtinë
Kandidatët e interesuar mund të aplikojnë duke dërguar CV-në e tyre në hr@monetaks.com ose permes butonit te meposhtem
duke vendosur titullin e pozitës në të cilën aplikoni, “Zyrtar Ligjor dhe Pajtueshmëri”.
Afati i fundit për aplikim: 31.10.2026
Të gjitha aplikacionet do të trajtohen me konfindencialitet të lartë.  Vetëm kandidatët e përzgjedhur në listën e ngushtë do të kontaktohen.