Praktikant/e Juridike

	 	 
KONKURS PËR PRAKTIKANT/E JURIDIK/E 
Zyra e Avokatit Albert Islami në Prishtinë kërkon praktikant/e juridik/e me angazhim të plotë, për praktikën e avokatisë sipas Statutit të Odës së Avokatëve të Kosovës. 
Praktika zhvillohet nën udhëheqjen e avokatit, i cili e mentoron praktikantin në të gjitha lëmitë juridike. Pozita fillon me një periudhë provë prej 3 (tre) muajsh. 
Detyrat kryesore: ndihmë në përgatitjen e dosjeve dhe lëndëve nën udhëheqjen e avokatit, kërkime ligjore, hartimin e dokumenteve dhe korrespondencës nën kontrollin e avokatit, mbajtjen e dosjeve dhe raportimin mbi punën e kryer. Praktikanti nuk kryen punë të  avokatisë në mënyrë të pavarur. 
Kërkesat: 

Diplomë e Fakultetit Juridik, ose student/e i/e vitit të fundit. Përparësi kanë kandidatët me provimet e përfunduara. 
Gatishmëri për regjistrim në Regjistrin e praktikantëve të Odës së Avokatëve të Kosovës, sipas kushteve ligjore. 
Njohuri të punës me kompjuter dhe me Microsoft Office. 
Njohuri të gjuhës angleze, në të folur dhe të shkruar. 
Aftësi për kryerjen e punëve juridike, me mundësi të mësohen në vend. 
Aftësi për mbajtjen e dosjeve dhe lëndëve, dhe për hartimin e raporteve dhe korrespondencës. 
Gjykim të mirë në respektimin e autorizimeve dhe në mbrojtjen e konfidencialitetit, si detyrim ligjor dhe etik i profesionit të avokatisë. 

Vendi i punës: Prishtinë. 
Ofrojmë: mjedis pune profesional, mentorim nga avokati, përvojë në lëndë reale dhe  zhvillim karriere. Kushtet financiare dhe orari sqarohen gjatë intervistës. 
Aplikimi: CV dhe letër motivuese (në anglisht ose shqip), që sqarojnë kualifikimet,  përvojën dhe përshtatshmërinë për pozitën, dërgohen vetëm me email në info@avokatia.eu deri më 31 tetor 2026.
Për intervistë do të ftohen vetëm kandidatët që i plotësojnë kushtet  në masën më të lartë. Të dhënat personale përdoren vetëm për përzgjedhjen dhe trajtohen sipas ligjit në fuqi.