KONKURS PUNE
B2B Sales Specialist – Specialist/e i/e Shitjes për Biznese
Kompania: Macintoks SH.P.K.
Lokacioni: Prishtinë
Orari: Full-time
Rreth pozitës
Macintoks është në kërkim të një B2B Sales Specialist që do të jetë përgjegjës për zhvillimin e bashkëpunimeve të reja me biznese dhe institucione në Kosovë.
Qëllimi kryesor i kësaj pozite është identifikimi i klientëve potencialë, prezantimi i produkteve dhe shërbimeve tona, përgatitja e ofertave komerciale dhe krijimi i marrëdhënieve afatgjata me klientët korporativë.
Kërkojmë një person proaktiv, komunikues dhe të orientuar drejt rezultateve, i cili nuk pret vetëm kërkesa nga klientët, por merr iniciativën për të krijuar mundësi të reja shitjeje.
Përgjegjësitë kryesore

Identifikimi i klientëve potencialë: Hulumtimi dhe kontaktimi i bankave, institucioneve financiare, agjencive të marketingut, kompanive të teknologjisë, organizatave dhe bizneseve të tjera që kanë nevojë për pajisje IT.
B2B Outreach & Cold Calling: Kontaktimi proaktiv i kompanive përmes telefonatave, emailit dhe LinkedIn për të prezantuar produktet, shërbimet dhe mundësitë e bashkëpunimit me Macintoks.
Përgatitja e ofertave komerciale: Hartimi dhe dërgimi i ofertave të personalizuara për klientët biznesorë, bazuar në kërkesat, buxhetin dhe nevojat e tyre.
Menaxhimi i tenderëve: Monitorimi i tenderëve publikë dhe privatë, analizimi i kërkesave teknike, përgatitja e dokumentacionit dhe aplikimi në tenderë relevantë.
Email Marketing B2B: Planifikimi dhe realizimi i kampanjave përmes emailit për të prezantuar produkte të reja, oferta speciale dhe zgjidhje IT për biznese.
Menaxhimi i klientëve: Mbajtja e komunikimit të vazhdueshëm me klientët ekzistues, përcjellja e ofertave të dërguara dhe zhvillimi i mundësive për shitje të përsëritura.
Takime me klientë: Organizimi i takimeve online ose fizike për prezantimin e kompanisë dhe identifikimin e nevojave të klientëve.
Raportimi i shitjeve: Evidentimi i kontakteve, ofertave, mundësive të shitjes dhe rezultateve, si dhe raportimi periodik te menaxhmenti.
Bashkëpunimi i brendshëm: Koordinimi me ekipin e shitjes, furnizimit dhe logjistikës për sigurimin e çmimeve konkurruese dhe realizimin e porosive.

Kualifikimet dhe aftësitë e kërkuara

Përvojë në shitje B2B, zhvillim biznesi ose menaxhim të klientëve korporativë.
Aftësi shumë të mira komunikimi, negocimi dhe prezantimi.
Aftësi për të identifikuar klientë potencialë dhe për të krijuar kontakte të reja në mënyrë të pavarur.
Njohuri të mira të paketës Microsoft Office, veçanërisht Excel dhe Word.
Aftësi për përgatitjen e ofertave profesionale dhe dokumentacionit komercial.
Njohuri të mira të gjuhës shqipe dhe angleze.
Organizim i mirë, iniciativë dhe orientim drejt arritjes së objektivave.

Përparësi do të kenë kandidatët që:

Kanë përvojë në shitjen e pajisjeve IT, laptopëve, kompjuterëve dhe produkteve teknologjike.
Kanë përvojë me tenderë publikë dhe platformën e e-Prokurimit në Kosovë.
Kanë njohuri në përdorimin e sistemeve CRM dhe mjeteve për email marketing.
Kanë rrjet ekzistues kontaktesh me biznese dhe institucione në Kosovë.

Çfarë ofrojmë?

Pagë konkurruese, në përputhje me përvojën dhe aftësitë.
Bonuse të bazuara në performancë dhe realizimin e objektivave të shitjes.
Mundësi për zhvillim profesional dhe avancim në karrierë.
Ambient dinamik pune në një kompani në zhvillim.
Mbështetje nga ekipi i shitjes dhe furnizimit.
Mundësi për të bashkëpunuar me kompani dhe institucione të ndryshme në tregun vendor.

Si të aplikoni?
Kandidatët e interesuar mund të dërgojnë CV-në e tyre përmes butonit të mëposhtëm ose në punesohu@macintoks.com, me subjekt:
Aplikim – B2B Sales Specialist
Afati i aplikimit: 19.11.2026
Bëhu pjesë e ekipit Macintoks dhe kontribuo në zgjerimin e bashkëpunimeve tona me bizneset në Kosovë!