Ekspert/e për Mbështetjen e Procesit të Hartimit të Planit Lokal të Veprimit në Mjedis (PLVM) 2027–2031 për Komunën e Mitrovicës së Jugut

	 	 

Termat e Referencës
Angazhimi i një Eksperti/je për Mbështetjen e Procesit të Hartimit të Planit  Lokal të Veprimit në Mjedis (PLVM) 2027–2031 për Komunën e Mitrovicës së Jugut 
në kuadër të projektitHorizonte të Gjelbra – Iniciativa për tranzicion të gjelbër të udhëhequr nga të rinjtë dhe komuniteti në Kosovën Perëndimore
Data: 02 tetor 2026
Në kuadër të projektit “Horizonte të Gjelbra – Iniciativa për tranzicion të gjelbër të udhëhequr nga të rinjtë dhe komuniteti në Kosovën Perëndimore”, të zbatuar nga CARE Deutschland e.V. – Zyra në Kosovë, në partneritet me Syri i Vizionit (SiV) dhe EC Ma Ndryshe dhe të bashkëfinancuar nga Zyra e Bashkimit Evropian në Kosovë, projekti mbështet forcimin e qeverisjes lokale mjedisore dhe pjesëmarrjen e qytetarëve, veçanërisht të të rinjve dhe grave, në proceset e vendimmarrjes. 
Në kuadër të Aktivitetit A.4.1.4 “Aktivitete pasuese me autoritetet vendore: hartimi/përditësimi/harmonizimi i Planeve Vendore të Veprimit”, , projekti do të mbështesë proceset pjesëmarrëse për përditësimin ose hartimin e planeve lokale për mbrojtjen e mjedisit dhe tranzicionin e gjelbër, duke u bazuar në gjetjet e Hulumtimit mbi Sfidat Mjedisore dhe duke përfshirë të rinjtë dhe organizatat e shoqërisë civile.
Në këtë kuadër, CARE dhe Syri i Vizionit, në bashkëpunim me Komunën e Mitrovicës së Jugut, do të mbështesin hartimin dhe/ose përditësimin e Planit Lokal të Veprimit në Mjedis (PLVM) për periudhën 2027–2031, në përputhje me kuadrin ligjor dhe politikat relevante në Kosovë dhe, sipas rastit, me standardet dhe prioritetet përkatëse të BE-së për mjedisin dhe tranzicionin e gjelbër.
Për këtë qëllim, Syri i Vizionit do të angazhojë një Ekspert/e për Hartimin e PLVM-së, i/e cili/a do të ofrojë ekspertizë teknike dhe metodologjike dhe do të mbështesë procesin pjesëmarrës të hartimit të dokumentit në bashkëpunim me Komunën, Grupin Punues dhe palët relevante të interesit.
Konsulenca pritet të zhvillohet midis nëntor 2026 dhe mars 2027, me aktivitete specifike të planifikuara në përputhje me nevojat e projektit dhe një plan zbatimi që do të dakordësohet me ekipin e projektit.

 Rreth Syri I Vizionit 

Syri i Vizionit (SiV) është regjistruar zyrtarisht si organizatë joqeveritare lokale në shtator të vitit 2001, por ka filluar të funksionojë edhe më herët, që nga viti 1999, si Organizatë e Bazuar në Komunitet (CBO) në komunën e Pejës.
Që nga themelimi, motoja e organizatës ka qenë: “Mendo globalisht, vepro lokalisht”, parim të cilit SiV i ka qëndruar vazhdimisht besnik në punën dhe angazhimin e saj.
II. Informata të përgjithshme
Plani Lokal i Veprimit në Mjedis (PLVM) 2027–2031 synon të shërbejë si dokument strategjik dhe operacional për identifikimin e prioriteteve mjedisore të Komunës së Mitrovicës së Jugut dhe përcaktimin e masave konkrete për adresimin e tyre.
Procesi i hartimit të PLVM-së do të zhvillohet përmes një qasjeje pjesëmarrëse, gjithëpërfshirëse, transparente dhe të bazuar në evidencë, duke përfshirë institucionet komunale, komunitetin, të rinjtë, gratë, organizatat e shoqërisë civile, ekspertët, bizneset dhe aktorë të tjerë relevantë.
Eksperti/ja do të punojë ngushtë me Grupin Punues për hartimin e PLVM-së, të themeluar nga Drejtoria e Mbrojtjes së Mjedisit të Komunës së Mitrovicës së Jugut, si dhe me ekipin e Syri i Vizionit dhe përfaqësuesit e CARE.
Procesi do të marrë në konsideratë, ndër të tjera:

gjendjen aktuale të mjedisit në komunë;
problemet dhe sfidat kryesore mjedisore;
menaxhimin e mbeturinave;
cilësinë e ajrit, ujit dhe tokës;
ndryshimet klimatike dhe përshtatjen ndaj tyre;
mbrojtjen e biodiversitetit dhe burimeve natyrore;
ekonominë qarkore;
tranzicionin e gjelbër;
hapësirat e gjelbra dhe mjedisin urban;
efikasitetin e energjisë dhe përdorimin e burimeve;
ndërgjegjësimin dhe pjesëmarrjen e komunitetit;
rolin e të rinjve dhe grave në vendimmarrjen mjedisore;
kapacitetet institucionale dhe mekanizmat e monitorimit;
përputhjen me dokumentet strategjike dhe politikat relevante në nivel lokal dhe qendror.

Procesi i hartimit/përditësimit të PLVM-së do të informohet nga gjetjet dhe rekomandimet relevante të hulumtimeve dhe produkteve të politikave të projektit, si dhe nga çështjet dhe rekomandimet e identifikuara përmes dialogut të strukturuar me aktorët lokalë.
III. Qëllimi i angazhimit, objektivi dhe detyrat e konsulencës
Qëllimi i angazhimit të ekspertit/es është të ofrojë ekspertizë profesionale, metodologjike dhe mbështetje teknike për hartimin e Planit Lokal të Veprimit në Mjedis (PLVM) 2027–2031 për Komunën e Mitrovicës së Jugut në kuadër të Aktivitetit A.4.1.4. Aktivitete pasuese me autoritetet vendore: hartimi/përditësimi/harmonizimi i Planeve Vendore të Veprimit të projektit.
Eksperti/ja do të mbështesë procesin teknik dhe metodologjik të hartimit të dokumentit, në bashkëpunim me Grupin Punues dhe palët relevante, duke siguruar që PLVM-ja të bazohet në evidencë, të reflektojë prioritetet lokale dhe të jetë e përshtatshme për integrim në planifikimin, buxhetimin, zbatimin dhe monitorimin komunal. 
Eksperti/ja do të udhëheqë procesin metodologjik dhe teknik të hartimit të dokumentit, duke siguruar që PLVM-ja: 

të bazohet në të dhëna dhe evidencë relevante;
të pasqyrojë nevojat dhe prioritetet reale mjedisore të komunës;
të jetë në përputhje me legjislacionin dhe dokumentet strategjike relevante;
të përfshijë në mënyrë kuptimplote qytetarët dhe grupet e interesit;
të përcaktojë objektiva, prioritete, masa dhe aktivitete konkrete;
të ketë indikatorë të matshëm dhe mekanizma të qartë monitorimi;
të jetë i zbatueshëm dhe i integrueshëm në planifikimin dhe buxhetimin komunal.

IV Fushëveprimi i punës
Eksperti/ja do të jetë përgjegjës/e për:

 Përgatitjen metodologjike


Hartimin e metodologjisë për procesin e zhvillimit të PLVM-së;
Përgatitjen e planit të punës dhe kalendarit të aktiviteteve;
Përcaktimin e metodave për mbledhjen dhe analizimin e të dhënave;
Përgatitjen e strukturës së PLVM-së;
Përcaktimin e metodologjisë për konsultimin dhe përfshirjen e palëve të interesit.


 Analizën e gjendjes mjedisore

Eksperti/ja do të realizojë një analizë të situatës mjedisore në Komunën e Mitrovicës së Jugut, duke u bazuar në:

dokumentet dhe strategjitë ekzistuese;
të dhënat statistikore dhe administrative;
raportet e institucioneve relevante;
të dhënat dhe hulumtimet e organizatave të shoqërisë civile;
informacionet e siguruara nga komuniteti dhe palët e interesit;
dokumentet relevante në nivel qendror dhe lokal.

Analiza do të identifikojë problemet kryesore, shkaqet, pasojat dhe nevojat për ndërhyrje.

 Konsultimin dhe pjesëmarrjen e palëve të interesit

Eksperti/ja do të ofrojë mbështetje teknike dhe do të lehtësojë, sipas nevojës dhe në koordinim me CARE, SiV dhe Komunën :

takimet e Grupit Punues;
konsultimet me drejtoritë komunale;
konsultimet me të rinjtë;
konsultimet me gratë;
konsultimet me organizatat e shoqërisë civile;
konsultimet me komunitetin;
tryezat e rrumbullakëta dhe diskutimet tematike;
konsultimet publike mbi draftin e PLVM-së.

Në këtë proces do të sigurohet që pikëpamjet dhe propozimet e palëve të interesit të dokumentohen dhe të reflektohen, sipas relevancës, në dokumentin final.

 Identifikimi i prioriteteve mjedisore

Në bashkëpunim me Grupin Punues dhe palët e interesit, eksperti/ja do të identifikojë dhe prioritizojë çështjet kryesore mjedisore të komunës.
Prioritetizimi duhet të bazohet në kritere të qarta, si:

urgjenca e problemit;
ndikimi në shëndetin dhe mirëqenien e qytetarëve;
ndikimi në mjedis;
numri i personave të prekur;
ndikimi në grupet vulnerabël;
mundësia e ndërhyrjes nga komuna;
kostoja dhe burimet e nevojshme;
qëndrueshmëria e ndërhyrjes;
ndikimi në tranzicionin e gjelbër. 


 Hartimi i Planit Lokal të Veprimit në Mjedis

Eksperti/ja do të përgatisë draftin e PLVM-së 2027–2031, i cili së paku duhet të përmbajë:

hyrjen dhe kontekstin;
kornizën ligjore dhe institucionale;
metodologjinë e hartimit;
analizën e gjendjes mjedisore;
problemet dhe sfidat kryesore;
vizionin dhe objektivat strategjike;
prioritetet mjedisore;
objektivat specifike;
masat dhe aktivitetet;
institucionet përgjegjëse;
afatet e zbatimit;
indikatorët e matshëm;
burimet e mundshme të financimit;
vlerësimin e kostove, aty ku është e mundur;
mekanizmat e monitorimit dhe raportimit;
mekanizmat e pjesëmarrjes së qytetarëve;
rekomandimet për zbatimin dhe qëndrueshmërinë e planit.


 Integrimi i tranzicionit të gjelbër dhe pjesëmarrjes

PLVM-ja duhet të reflektojë prioritetet e tranzicionit të gjelbër, ekonomisë qarkore dhe zhvillimit të qëndrueshëm, si dhe të promovojë pjesëmarrjen aktive të qytetarëve.
Eksperti/ja duhet të sigurojë që perspektiva e:

të rinjve;
grave;
komuniteteve lokale;
organizatave të shoqërisë civile;

të integrohet në mënyrë konkrete në prioritetet dhe masat e planit.

 Planifikimi i zbatimit dhe monitorimit

Eksperti/ja do të zhvillojë një Plan të Veprimit të detajuar, ku për secilën ndërhyrje të përcaktohen, sipas mundësisë:


 Finalizimi dhe validimi

Eksperti/ja do të:

prezantojë draftin para Grupit Punues;
integrojë komentet dhe rekomandimet;
mbështesë konsultimin publik;
adresojë rishikimet e nevojshme pas konsultimeve;
përgatisë versionin final të PLVM-së;
prezantojë dokumentin final para Komunës dhe palëve relevante;
ofrojë mbështetje teknike për finalizimin e dokumentit dhe për pëgaditjen e tij për shqyrtim dhe procedim institucional, në përputhje me procedurat e Komunës.

V. Rezultatet e pritshme (Outputs)
Në përfundim të angazhimit pritet të dorëzohen së paku këto produkte:

Metodologjia e hartimit të PLVM-së dhe plani i punës;
Analiza e gjendjes dhe prioriteteve mjedisore të Komunës së Mitrovicës së Jugut;
Dokumentim i procesit të konsultimit dhe rekomandimeve kryesore të dala nga palët e interesit, përfshirë mënyrën se si këto janë reflektuar në versionin final të PLVM-së.
Drafti i Planit Lokal të Veprimit në Mjedis 2027–2031;
Tabela e prioriteteve, objektivave, masave, aktiviteteve dhe indikatorëve;
Plan i zbatimit dhe monitorimit të PLVM-së;
Versioni final i PLVM-së 2027–2031, pas integrimit të komenteve dhe rezultateve të konsultimeve;
Prezantim/mbështetje teknike për Grupin Punues dhe institucionet relevante;
Raporti final i ekspertit/es, që përmbledh procesin e realizuar, gjetjet kryesore, sfidat dhe rekomandimet.

VI. Kualifikimi i nevojshëm:

Diplomë universitare/ Master në Shkencat e Mjedisit, Politikën Mjedisore, Ndryshimet Klimatike ose Qëndrueshmëri, me përvojë të gjerë në BE lidhur me programimin dhe praktikën e Marrëveshjes së Gjelbër (Green Deal).
Minimum 10 vite përvojë profesionale relevante në fushën e mjedisit, politikave publike, planifikimit strategjik ose zhvillimit të qëndrueshëm ose fushave të ngjajshme;Përvojë profesionale relevante të dëshmuar në hartimin e strategjive, planeve të veprimit ose dokumenteve të ngjashme në nivel lokal dhe/ose qendror; 
Përvojë e dëshmuar në hartimin/përditësimin e planeve lokale të veprimit, strategjive mjedisore ose dokumenteve të ngjashme të planifikimit përbën kërkesë/avantazh të rëndësishëm;\
Përvojë në hartimin e planeve lokale të veprimit në mjedis përbën përparësi të veçantë;
Njohuri të mira mbi legjislacionin dhe politikat mjedisore në Kosovë;\
Njohuri mbi kompetencat e komunave në fushën e mbrojtjes së mjedisit;\
Përvojë në procese pjesëmarrëse dhe konsultime me komunitetin;\
Përvojë në fasilitimin e grupeve punuese, punëtorive dhe konsultimeve publike;
Njohuri mbi tranzicionin e gjelbër, ekonominë qarkore dhe zhvillimin e qëndrueshëm;\
Përvojë e dëshmuar në punën me organizatat e shoqërisë civile, rininë, gratë, autoritetet vendore dhe grupet e margjinalizuara, në kontekstin e barazisë gjinore dhe çështjeve klimatike e mjedisore.\
Aftësi shumë të mira analitike, komunikuese dhe të shkrimit profesional;

Njohuri e shkëlqyer e gjuhës shqipe dhe angleze, standardi më i lartë i shqipes dhe anglishtes së shkruar; njohja e gjuhës serbe përbën përparësi.
VII. Detyrat dhe Përgjegjësitë:
Eksperti/ja do të:

Përgatisë metodologjinë, instrumentet dhe planin e punës;
Analizojë dokumentacionin dhe të dhënat relevante;
Mbështesë Grupin Punues në identifikimin dhe prioritizimin e çështjeve mjedisore;
Lehtësojë proceset konsultative dhe pjesëmarrëse;
Hartojë draftin dhe versionin final të PLVM-së;
Sigurojë integrimin e perspektivave  të rinjve, grave dhe komunitetit;
Përgatisë objektiva, masa, aktivitete dhe indikatorë të matshëm;
Integrojë aspektet e tranzicionit të gjelbër dhe ekonomisë qarkore;
Integrojë mekanizmat e monitorimit dhe zbatimit;
Prezantojë gjetjet dhe draftin para Grupit Punues dhe palëve relevante;
Integrojë komentet dhe rekomandimet nga konsultimet;
Përgatisë rekomandime relevante për follow-up dhe angazhimin me autoritetet lokale; 
Dorëzojë produktet finale brenda afateve të dakorduara.
Koordinohet me stafin përgjegjës për aktivitete nga SiV/CARE dhe Drejtorinë e Mjedisit.

VIII. Angazhimi i Ekspertit/es:
Eksperti/ja do të angazhohet me anë të një kontrate për ofrimin e shërbim me Syri i Vizionit- nën koordinimin e Menaxherit të Financave dhe Administratës. Në këtë kontratë do të përcaktohen në mënyrë specifike pikat të cilat nuk janë të përfshira në këtë dokument. 
Angazhimi do të realizohet gjatë periudhës së zbatimit të procesit të hartimit të PLVM-së dhe do të koordinohet sipas dinamikës së Grupit Punues dhe aktiviteteve të projektit. Parashikohet angazhim indikativ prej deri në 14 ditë pune, i cili mund të organizohet si më poshtë:

IX. Mbështetja që do të ofrohet nga SiV, CARE dhe Komuna
Syri i Vizionit, në bashkëpunim me Komunën e Mitrovicës së Jugut dhe CARE, do të sigurojë, sipas nevojës:

dokumentacionin relevant të projektit;
dokumentet ekzistuese të komunës;
mbështetjen për qasje në dokumente dhe të dhëna;
koordinimin me Grupin Punues;
organizimin e takimeve dhe konsultimeve;
komunikimin me palët relevante të interesit;
mbështetjen logjistike për aktivitetet e planifikuara;
Koordinimin teknik dhe shkëmbimin e informacionit relevant për të siguruar lidhshmërinë e procesit të hartimit të PLVM-së me objektivat dhe aktivitetet e projektit.
CARE do të ofrojë dokumentet dhe informacionet relevante të projektit, do të sigurojë koordinimin teknik dhe do të japë komente dhe feedback mbi draftet dhe produktet e përgatitura nga eksperti/ja. Drafti i PLVM-së do t’i dërgohet CARE-it për shqyrtim dhe komente, me qëllim sigurimin e lidhshmërisë së tij me objektivat dhe aktivitetet e projektit, si dhe, sipas nevojës, me kërkesat përkatëse të donatorit. CARE do të koordinojë me donatorin çështjet relevante që lidhen me procesin e hartimit të PLVM-së, sipas nevojës.

X. Drejtoria e Mbrojtjes së Mjedisit

do të sigurojë bashkëpunimin institucional dhe qasjen në dokumentacionin, 
të dhënat dhe informacionet relevante për hartimin e PLVM-së, si dhe 
të mbështesë koordinimin me strukturat dhe palët relevante brenda komunës.

Pagesa e ekspertit/es do të bëhet përmes transaksionit bankar në Euro, pas përfundimit të kënaqshëm të shërbimeve, dorëzimit dhe aprovimit të produkteve të dakorduara, si dhe dorëzimit të faturës, timesheet-it dhe dokumentacionit tjetër të kërkuar sipas kontratës dhe procedurave të SiV-së. Syri i Vizionit do të përmbushë detyrimet tatimore dhe pensionale të aplikueshme, në përputhje me legjislacionin në fuqi në Kosovë dhe kushtet e kontratës.
Shpenzimet për ushqim gjatë punëtorive do të mbulohen nga organizatori.
XI. Dokumentet e kërkuara dhe procedura për aplikim:

Portfolio që përfshin CV-në e Konsulentit/lehtësuesit (mundësisht në formatin e BE-së), me informacion të detajuar në lidhje me kualifikimet e kërkuara, përfshirë dy referenca përkatëse nga angazhime të ngjashme konsulence për organizata vendase dhe/ose ndërkombëtare.
Kopje të diplomës universitare;
Metodologji të propozuar për hartimin e PLVM-së 2027–2031, duke përfshirë qasjen për konsultimin e Grupit Punues, institucioneve, të rinjve, grave, komunitetit dhe palëve të tjera të interesit;
Oferta financiare : Konsultenti/lehtësuesi duhet të propozojë një tarifë ditore bruto në EUR për shërbimet e konsulencës. Kostot e transportit, ushqimit dhe akomodimit duhet të përfshihen në tarifën ditore.

Oferta  financiare duhet të jetë e hollësishme për secilën punë që do të realizohet, duke përfshirë, zhvillimin e strategjisë dhe materialet e punëtorisë, mbajtjen e punëtorisë dhe shkrimin e raportit. Çdo shpenzim shtesë nuk do merret parasysh.
Aplikacionet duhet të dorëzohen në formë elektronike në e-mail adresën: office@syriivizionit.org me subjektin:  Aplikacioni për Angazhimin e Ekspertit/es për Hartimin e PLVM-së 2027–2031 – Mitrovicë e Jugut. Afati i fundit për dorëzimin e aplikacionit është  26 tetor 2026 ora 16:00. 
XII. Kriteret e vlerësimit
Aplikacionet do të vlerësohen bazuar në:
Kriteri                                                                                                         Pikët
Kualifikimi akademik dhe profesional                                                  15
Përvoja relevante profesionale                                                              20
Përvoja në hartimin e strategjive/planeve lokale                               25
Përvoja në fushën e mjedisit dhe zhvillimit të qëndrueshëm           15
Cilësia e metodologjisë së propozuar                                                  15
Oferta financiare                                                                                      10
Gjithsej                                                                                                       100
Përparësi do t'u jepet kandidatëve/ekspertëve që dëshmojnë përvojë konkrete në hartimin e planeve lokale të veprimit në mjedis, strategjive mjedisore dhe dokumenteve të planifikimit të zhvillimit të qëndrueshëm në nivel komunal.
XII. Koordinimi dhe raportimi
Eksperti/ja do të punojë nën koordinimin e Syrit të Vizionit, në bashkëpunim të ngushtë me Drejtorinë e Mbrojtjes së Mjedisit të Komunës së Mitrovicës së Jugut, Grupin Punues dhe, sipas nevojës, përfaqësuesit e projektit të CARE.
PLVM-ja përfundimtare do të përgatitet në përputhje me legjislacionin në fuqi, kërkesat dhe procedurat administrative të aplikueshme në nivel lokal, si dhe standardet përkatëse për hartimin e dokumenteve strategjike dhe të planifikimit komunal. Dokumenti do të strukturohet në mënyrë që të jetë i përshtatshëm për shqyrtim, konsultim institucional dhe publik, procedim dhe miratim nga Kuvendi Komunal i Mitrovicës së Jugut, në përputhje me procedurat ligjore dhe aktet komunale në fuqi, si dhe të shërbejë si bazë për planifikimin, buxhetimin, zbatimin, monitorimin dhe raportimin e prioriteteve dhe masave mjedisore për periudhën 2027–2031.
Vetëm kandidatët e suksesshëm do të kontaktohen!