NLB Banka sh. a., me seli në Prishtinë, SHPALL
KONKURS
për zgjedhjen e kandidatëve për vendet e punës:
- Analist i Lartë për Risk Kreditor (një vend pune)
- Zyrtar për Korporata në Filialin në Prizren (një vend pune)
Analist i Lartë për Risk Kreditor
KUALIFIKIMET DHE AFTËSITË E KËRKUARA
- Diplomë universitare në Banka, Financa ose lëmi të ngjashme;
- Së paku 3 vite përvojë pune në sektorin bankar dhe financiar, e preferueshme të ketë punuar me klientët Juridik;
- Integritet, etikë profesionale dhe besueshmëri në trajtimin e çështjeve të ndjeshme;
- Njohuri të avancuara të Microsoft Office;
- Shkathtësi të mira komunikuese dhe organizative;
- Njohuri të avancuara të gjuhës angleze, në të folur dhe në të shkruar.
PËRSHKRIMI I DETYRAVE TË VENDIT TË PUNËS
- Vlerësimi i rrezikut kreditor sipas kornizës se politikave, metodologjive e procedurave për menaxhim të riskut kreditor.
- Përgatitja e analizave të potencialit kreditore të klientëve, dhe klasifikimin (përcaktimi i bonitetit) të klientëve sipas metodologjive të aplikuara në Bankë.
- Hartimi dhe dhënia e opinionit kreditor mbi propozimet kreditore. - Vlerësimi i riskut të mjedisor dhe social për ekspozimet kreditore (ESG opinione).
- Monitorimi i kualitetit të portfolios kreditore, përfshire monitorimin përmes EWS.
- Pjesëmarrje në zhvillimin e projekteve dhe iniciativave në kuadër të Riskut Kreditor që kanë për qëllim optimizimin, automatizimin e proceseve.
- Identifikimi, propozimi dhe/ose zbatimi i përmirësimeve të proceseve, metodologjive dhe praktikave të punës në fushën e Riskut Kreditor.
Zyrtar për Korporata në Filialin në Prizren
KUALIFIKIMET DHE AFTËSITË E KËRKUARA
- Diplomë universitare në fushën e ekonomisë, financave, kontabilitetit, administrimit të biznesit ose fushë të ngjashme;
- Së paku 3 vite përvojë në banka ose institucione të tjera financiare, përparësi kanë ata të cilët kanë përvojë në fushën e kreditimit për korporata;
- Njohuri të mirë të financave dhe shkathtësi të shkëlqyeshme komunikuese;
- Njohuri të avancuara të Microsoft Office, posaçërisht në MS Excel;
- Njohja e mirë e gjuhës angleze;
- Posedimi i patentë shoferit, kategoria “B”.
PËRSHKRIMI I DETYRAVE TË VENDIT TË PUNËS
- Monitorimi i vazhdueshëm i klientëve ekzistues të Bankës të cilët i shfrytëzojnë produktet kreditore, biznesin dokumentar dhe shërbimet tjera bankare;
- Identifikimi i ndryshimeve të mundshme në gjendjen e klientit, si dhe dhurimi i informacioneve të rëndësishme në baza të rregullta;
- Sigurimi i informacioneve relevante për Bordin Udhëheqës të Bankës, i cili është kompetent për marrjen e vendimeve;
- Prezantimi i produkteve të reja dhe ekzistuese të Bankës dhe kontaktet direkte me klientët;
- Të iu përgjigjen klientëve për pyetjet dhe kërkesat e tyre brenda një kohe të shkurtër;
- Të krijojë besim afatgjatë në relacionin klient-Bankë;
- Identifikimi i saktë i kërkesave të klientëve dhe këshillimi i klientëve lidhur me shfrytëzimin e produkteve kreditore, biznesit dokumentar dhe shërbimeve tjera të ofruara nga Banka;
- Vlerësimi i saktë i kapacitetit financiar të klientëve, mbështetja dhe këshillimi i zyrtarit kreditor gjatë vlerësimit të klientit;
- Të monitorojë zhvillimin dhe zgjerimin e bankave konkurruese me qëllim të parandalimit të kalimit të klientëve në ndonjë bankë tjetër;
- Me rastin e licencimit nga BQK, të kryejë detyrat e agjentit për ofrimin e shërbimeve të sigurimeve jetësore, në cilësinë e ndërmjetësuesit gjatë operacioneve ditore në bashkëveprim me klientët e Bankës;
- Të përdorë rrjetin e komunikimit joformal për të takuar klientët potencialë;
- Angazhimi maksimal në arritjen e planeve të caktuara sipas Planit të Biznesit;
- Përgatitja e aplikacioneve për klasifikimin e klientit dhe caktimin e limitit maksimal;
- Përgatitja e analizave lidhur me vlerësimin e klientit në MS Excel;
- Përgatitja e të gjitha dokumenteve të nevojshme lidhur me kërkesat e klientëve (kontratat për produkte kreditore, për depozita, kontrata për hipotekë dhe për peng etj.);
- Të bëjë regjistrimin e hipotekës dhe të pengut (në zyrat përkatëse);
- Të plotësojë të dhënat e nevojshme në sistem lidhur me kredinë dhe kolateralin;
- Të bëjë monitorimin e klientëve në sistem në baza ditore dhe në rast të arritjes së obligimeve, t’i njoftojë klientët.
- Në rast të mossuksesit të kthimit të obligimeve, sipas procedurave të përgatisë rastin për bartjen në Sektorin për Kredi Joperformuese.
- Kryerja e punëve dhe detyrave të tjera sipas kërkesës së udhëheqësit direkt dhe në hierarki.
Aplikacioni duhet të plotësohet direkt në web faqen e Bankës https://www.nlb-kos.com/sq/per-banken/konkurs-per-pune, deri më 26 gusht 2026. Me rastin e plotësimit të aplikacionit, duhet të bashkëngjitet kopja e diplomës së kualifikimit dhe CV-ja.
Vetëm kandidatët që i plotësojnë kualifikimet dhe aftësitë e kërkuara sipas këtij konkursi, do të ftohen në procesin e përzgjedhjes.
Link: https://www.nlb-kos.com/sq/per-banken/konkurs-per-pune/zyrtar-per-korporata-ne-filialin-ne-prizren1
Link: https://www.nlb-kos.com/sq/per-banken/konkurs-per-pune/analist-i-larte-per-risk-kreditor
