Arkëtare, Punonjës Magazine (Albi Mall)

	 	 
NJOFTIM PUNE
Kid Zone Kosova shpk, një kompani e njohur në sektorin e retail që operon në Kosovë që nga viti 2014 si pjesë e Grupit BALFIN, ofron një gamë të gjerë me mbi 30,000 produkte, duke u bërë një markë e njohur që plotëson nevojat e të gjitha grupeve demografike. Me 29 dyqane në rajon, përfshirë Shqipërinë, Malin e Zi dhe Bosnjë-Hercegovinën, JUMBO njihet për produkte me cilësi europiane, një shumëllojshmëri të madhe artikujsh dhe çmime konkurruese.
Profili i Grupit BALFIN : BALFIN Group është një nga grupet më të suksesshme të investimeve në Ballkanin Perëndimor. I themeluar në vitin 1993, sot Grupi operon në Austri, Shqipëri, Kosovë, Bosnje dhe Hercegovinë, Kroaci, Maqedoni të Veriut, Zvicër, Mal të Zi, Holandë, Kanada dhe Shtetet e Bashkuara të Amerikës.
Portofoli i tij i larmishëm shtrihet në disa sektorë, përfshirë bankarinë, zhvillimin e pasurive të paluajtshme, tregtinë me shumicë dhe pakicë, menaxhimin e aseteve, turizmin, logjistikën, arsimin dhe argëtimin.
Me një fuqi punëtore prej rreth 5,500 profesionistësh, BALFIN Group vazhdon të rritet në mënyrë të qëndrueshme, i udhëhequr nga etika e fortë e biznesit, stabiliteti financiar, inovacioni dhe angazhimi afatgjatë për ndikim në komunitet përmes Mane Foundation.
Pozicioni i punës: Arkëtare
Departamenti: Arka
Vendndodhja: Albi Mall
PËRMBLEDHJE E POZICIONIT:
Një Kasiere është përgjegjëse për menaxhimin e përditshëm të arkës së vet në përputhje me vlerat dhe politikat e përgjithshme të kompanisë dhe të grupit. Sigurohet që gjatë procesit të pagesës, të jetë e saktë, korrekte, të japë informacionin e duhur dhe në të njëjtën kohë të ofrojë shërbim të jashtëzakonshëm ndaj secilit klient, i shoqëruar me buzëqeshje, dashamirësi dhe sjellje profesionale. Gjithashtu, është përgjegjëse për pastërtinë, mirëmbajtjen, sigurinë dhe menaxhimin e arkës, dhe në fund të turnit, dorëzimin e xhiros, duke u siguruar që çdo gjë është në rregull.
FUNKSIONET THELBESORE TE POZICIONIT:

Mban pastër dhe të rregullt arkën dhe ambientin e arkës, si dhe sektorin e ushqimores pranë arkave dhe atë të blerjeve impulsive.
Mban arkën të sigurt, e kyç atë kur nuk është duke punuar, po ashtu edhe ekranin e programit që përdoret.
Respekton dhe përshëndet klientin që nga momenti i parë që ka kontakt me të.
Skanon produktet me përgjegjësi, pa harruar asnjë nga ato.
Kalon dhe kontrollon çdo produkt që kalon mbi arkën.
Komunikon qartë dhe saktë çmimin e produktit konsumatorit.
Merr dhe numëron paratë me kujdes dhe saktësi.
Kthen kusurin pa gabime në vëmendje të klientit (në rastet përkatëse) dhe e pajis atë me kupon tatimor ose me faturë tatimore, në rastet kur kërkohet.
Realizon saktë pagesat përmes POS-it të bankave.
Gjatë orareve të fluksit, tregon kujdes në radhën e klientëve që të mos shkaktohet pakënaqësi.
Gjen barkodet e artikujve që sjell klienti pa barkod, duke bashkëpunuar me kolegët e tij/saj, pa shqetësuar klientin dhe duke ofruar shërbim të shpejtë dhe të saktë.
Informon me mirësjellje klientët që çantat e JUMBO janë me pagesë, duke shmangur keqkuptimet dhe duke u dhënë arsyet përkatëse.
Informon klientët për ofertat dhe promocionet aktuale, nëse ka.
Kryen vazhdimisht sistemimin e produkteve në departamentin e arkës, duke zbatuar udhëzimet e supervizorit të arkave, merchandiser-it ose menaxherit të dyqanit.
Mirëmban produktet e departamentit në mënyrë strikte, duke respektuar të gjitha rregullat dhe procedurat e kompanisë.
Bën mbushjen e vazhdueshme të sektorit të arkave me produkte, kur është e nevojshme.
Informon supervizorin e arkave/menaxherin e dyqanit lidhur me çdo problem që mund të ketë me produktet apo paratë dhe ndihmon në zgjidhjen e problemit.
Bashkëpunon me kolegët gjatë detyrave operacionale në dyqan dhe mban frymën bashkëpunuese me departamentet e tjera, supervizorin e arkave, menaxhimin e dyqanit dhe personelin e sigurimit.
Informon supervizorin e arkave dhe menaxherin e dyqanit për çdo problem, avari teknike, ankesë klienti, vizita në dyqan ose ndodhi të pazakonta në dyqan.
Asiston në trajnimin e kasierëve të rinj.
Ndihmon konsumatorët, duke u siguruar që nevojat e tyre janë identifikuar qartë dhe që zgjidhja e tyre të bëhet në mënyrë të shpejtë dhe të kujdesshme, duke i lënë ata të kënaqur.
Dorëzon arkën dhe sektorin e arkës të pastër, të rregullt dhe të gatshëm për punë për turnin tjetër.
Mirepret klientët me mirësjellje në pikën e informacionit dhe merr çantat, i vendos në raftet me numra, dhe po ashtu i përcjell ata me mirësjellje dhe duke i përshëndetur i pari kur i rikthen çantat apo qeset e tyre.
Informon klientët për rregulloren e qeseve që nuk mund të mbahen në market, duke u drejtuar atyre sipas rregulloreve të brendshme të mirësjelljes.
Në informacion, shmang konfrontimet me klientin, duke u ofruar atyre zgjidhje sipas rregulloreve të brendshme të kompanisë, ose duke i drejtuar te supervizori i arkës/menaxheri i dyqanit.
Kryen me një shërbim të shkëlqyer dhe pa bezdisur/fajësuar klientin procesin e ndërrimit të aprovuar nga menaxheri i dyqanit.
Në përfundim të turnit, bën mbylljen e arkës dhe dorëzimin e parave pranë arkës qendrore.
Është përgjegjës për vlerat mangut apo paratë falso që mund të dalin gjatë turnit.

KËRKESAT:

Arsim i mesëm ose i lartë
Të paktën një vit pervojë pune në kase 
Njohja e paketës MS Office 
Njohuri të gjuhës angleze

AFTËSI TË TJERA:

Aftësi për të punuar me të gjitha mjetet e punës të nevojshme për operimin efikas në pozicionin përkatës; 
Aftësi të shkëlqyera komunikimi;
Aftësi për tu perballur me situata të ndryshme të momentit;
Aftësi për t’i siguruar klientëve shërbim efikas në cdo kohë;

Pozicioni i punës: Punonjës Magazine
Departamenti: Operacione
Vendndodhja: Albi Mall
PËRMBLEDHJE E POZICIONIT:
Një punëtor magazinë është përgjegjës për stokun fizik të dyqanit në magazinë, mirëmbajtjen dhe operimin e magazinës si funksion operacional. Pranimin e furnizimeve, pranimin dhe dërgimin e transfertave, sistemimin dhe mirëmbajtjen e kategorive, si dhe qarkullimin e mallit në magazinë dhe në dyqan.
Përgatit produktet në bazë të porosive për në terrenin e shitjes.
FUNKSIONET THELBESORE TE POZICIONIT:

Mban pastër dhe të rregullt magazinën duke u përkujdesur në mënyrë ditore;
Sistemon në mënyrë të vazhdueshme kategorinë për të cilën është përgjegjës apo që i delegohet nga supervizori i magazinës;
Përgatit porosinë e artikujve për departamentet sipas kërkesës;
Kujdeset që gjatë lëvizjes së mallit në ambientet e magazinës produktet të mos dëmtohen dhe të jenë gati për shitje në gjendje perfekte;
Bën pranimin e furnizimit sipas udhëzimeve të supervizorit të magazinës;
Bën shkarkimin e kamionit me mjetet e kompanisë;
Bën kontrollin në sistem Kubit të furnizimit me terminalet e dorës (motorola, palmar) në bazë kutish;
Hap dhe kontrollon çdo kuti të dyshimtë për difekte, minuse ose probleme të tjera fizike, sipas udhëzimeve të supervizorit të magazinës dhe eksperiencave të mëparshme;
Ndan veç mostrat e reja sipas procedurës që zbatohet në pranimin e furnizimit në magazinat Jumbo;
Bën stokimin e artikujve, pas pranimit të furnizimit dhe shpërndarjes së porosive;
Përgatit fizikisht transfertat e produkteve që kërkohen nga menaxhimi ose supervizori i magazinës;
Bën pranimin e transfertave që vijnë në dyqan nga dyqanet e tjera Jumbo, duke kontrolluar faturën e shoqërimit dhe sasinë përkatëse të mallit;
Bën stokimin e produkteve të kategorive sezonale të mbyllura;
Ndihmon dhe përgatit transfertat e kodeve të kategorive sezonale, të mbyllura për magazinë qendrore;
Njoh me së miri kodet e furnitorit për çdo kategori produkti;
Në rast të kontaktit me klientin, i ofron klientit shërbim cilësor sipas standardeve të kompanisë dhe/ose kërkon ndihmë nga personeli i sallës për ta orientuar klientin më së miri;
Sillet situativ në rast të problemeve në punë, shmang keqkuptimet dhe kërkon ndihmë nga superiori nëse është e nevojshme;
Raporton te supervizori/menaxheri i dyqanit për çdo problem në lidhje me produktin;
Raporton te supervizori/menaxheri i dyqanit në mënyrë të menjëhershme për avari të ndryshme për të cilat është dëshmitar i momentit;
Respekton rregulloren e brendshme të kompanisë, kujdeset për kodin e veshjes dhe sjelljes në punë;
Respekton dhe përshëndet klientin i pari që në momentin e parë që ka kontakt me të;
Ndihmon në trajnimin e personelit të ri kur i kërkohet nga supervizori dhe ndan vazhdimisht informacionin me punonjësit e rinj të departamentit të vet dhe më gjerë;
Jep feedback në rastet e kërkuara mbi performancën e punonjësit të ri që i është caktuar për trajnim;
Bashkëpunon me kolegët gjatë detyrave operacionale në dyqan, dhe mban frymë bashkëpunuese me departamentet e tjera, supervizorët, menaxhimin e dyqanit dhe personelin e sigurimit.

KËRKESAT:

Arsim i mesëm ose i lartë
Të paktën një vit përvojë në magazinim
Njohja e gjuhës angleze dhe/ose gjuhë të tjera do të përbënte avantazh
Njohja e paketës Microsoft Office përbën avantazh

AFTËSI TË TJERA:

Aftësi për të punuar me të gjitha mjetet e punës të nevojshme për operimin efikas në pozicionin përkatës;
Aftësi për të njohur kodet e produkteve dhe vetitë e tyre;
Aftësi të shkëlqyera komunikimi dhe punë në grup;
Aftësi për t’u përballur me situata të ndryshme të momentit;
Aftësi për të siguruar shërbim efikas në çdo kohë;
Aftësi për të krijuar besim te kolegët dhe eprorët;
Aftësi për të përballuar punë fizike nën stres;

Mënyra e aplikimit*: Ju lutem dërgoni CV-në tuaj në email adresën:
hr@jumbo-ks.com 
apo aplikoni online përmes linkut:
FORMË APLIKIMI
Afati i dorëzimit: 30/08/2026
SHENIM: Ky përshkrim i punës nuk është gjithpërfshirës. Punonjësit mund të kryejnë edhe detyra të tjera në lidhje me këtë pozicion për sa kohë ato plotësojnë nevojat e organizatës/kompanisë.
*Të gjitha aplikimet do të trajtohen me konfidencialitet të plotë sipas ligjit Nr. 03/L-172 “Për Mbrojtjen e të Dhënave Personale” vendosur nga Kuvendi i Republikës së Kosovës, në mbështetje të nenit 65 (1) të Kushtetutës së Republikës së Kosovës.