Asistent/e Koordinator/e

	 	 
Po kërkojmë një bashkëpunëtor/e të motivuar për t'iu bashkangjitur ekipit tonë dhe për të kontribuar në realizimin e programeve dhe aktiviteteve të DYVÓ. Nëse ndan vlera të përbashkëta me ne dhe ke interes për mjedisin, angazhimin komunitar dhe industrinë kreative, do të dëshironim të dëgjonim nga ti! 
Pozita: Asistent/e Koordinator/e
Asistenti/ja e Koordinatores do të punojë në bashkëpunim të ngushtë me Koordinatoren dhe Drejtuesen e Programit për të mbështetur zbatimin e aktiviteteve dhe koordinimin e proceseve organizative. 

Asistentja Koordinatore mbështet koordinimin e përditshëm të aktiviteteve dhe programeve të organizatës, duke kontribuar në organizimin e ngjarjeve, komunikimin me pjesëmarrësit dhe partnerët, menaxhimin e dokumentacionit dhe funksionimin e përgjithshëm të hapësirës. Pozita ofron një mundësi të shkëlqyer për të fituar përvojë praktike në menaxhimin e projekteve, koordinimin e programeve edukative dhe organizimin e aktiviteteve komunitare në fushën e dizajnit, inovacionit dhe zhvillimit të qëndrueshëm.
Kandidati/ja do të punojë ngushtë me ekipin, duke marrë mentorim dhe mbështetje profesionale. Pozita është ideale për persona që duan të zhvillojnë aftësi organizative, komunikuese dhe lidershipi, ndërkohë që kontribuojnë në programe me ndikim të drejtpërdrejtë në komunitet dhe mjedis.
Pagesa prej 491.66 € (425 € subvencionim nga Superpuna)
Përgjegjësitë
Disa nga detyrat kryesore janë: 

 Mbështetja në koordinimin e aktiviteteve dhe projekteve të organizatës; 
 Asistimi në organizimin e ngjarjeve, punëtorive dhe takimeve me komunitetin; 
 Komunikimi dhe koordinimi me partnerë, pjesëmarrës dhe palë të tjera të interesit; 
 Mbajtja dhe përditësimi i dokumentacionit të projekteve; 
 Mbështetja në përgatitjen e raporteve narrative dhe administrative; 
 Ndihma në monitorimin e afateve, aktiviteteve dhe detyrave të projekteve; 
 Kontributi në angazhimin dhe fuqizimin e komunitetit lokal; 
 Mbështetja në hulumtime, mbledhje të dhënash dhe aktivitete të tjera programore sipas nevojës; 
 Monitorimi dhe koordinimi i vullnetarëve të programit.

Kualifikimet e preferuara

 Diplomë universitare BA në shkenca sociale, ekonomi, menaxhim, administrim publik, ose fusha të ngjashme; 
 Përvojë pune së paku një (1) vit në organizata joqeveritare, projekte zhvillimore ose pozita të ngjashme (e preferueshme); 
 Aftësi të mira organizative dhe menaxhim të kohës; 
 Aftësi të shkëlqyera të komunikimit verbal dhe me shkrim në gjuhën shqipe dhe angleze; 
 Aftësi për të punuar në ekip dhe për të menaxhuar disa detyra njëkohësisht; 
 Interes për temat e mjedisit, zhvillimit të komunitetit dhe industrive kreative (e dëshirueshme).

Benefitet
DYVÓ ofron një mjedis dinamik për mësim dhe zhvillim profesional, me mundësi mentorimi, pjesëmarrjeje në projekte dhe ngjarje inovative, qasje në rrjete profesionale vendore dhe ndërkombëtare, si dhe mundësi reale për ngritje në detyrë dhe zgjerim të rolit bazuar në performancë dhe angazhim. 
Çfarë fitoni nga angazhimi?

 Përvojë praktike në menaxhimin e projekteve dhe programeve, duke punuar drejtpërdrejt në organizimin e aktiviteteve, koordinimin e pjesëmarrësve dhe zbatimin e iniciativave kreative dhe edukative. 
 Zhvillim profesional dhe ngritje të kapaciteteve, përmes mentorimit nga ekipi i dhe ekspozimit ndaj proceseve të dizajnit, inovacionit, fabrikimit digjital dhe angazhimit komunitar. • Mundësi për të ndërtuar rrjet profesional, duke bashkëpunuar me organizata, institucione, ekspertë vendorë dhe ndërkombëtarë, artistë, dizajnerë dhe inovatorë. 
 Qasje në hapësirën dhe pajisjet, duke fituar njohuri praktike mbi teknologjitë dhe proceset që përdoren në laborator. 
 Pjesëmarrje në trajnime, punëtori dhe ngjarje profesionale, të organizuara nga organizata ose partnerët e saj. 
 Mundësi për avancim brenda organizatës, ku përgjegjësitë dhe rolet mund të zgjerohen gradualisht bazuar në performancë, iniciativë dhe angazhim. 
 Përfshirje në një mjedis kreativ dhe bashkëpunues, ku idetë vlerësohen dhe ku secili anëtar i ekipit ka mundësi të kontribuojë në zhvillimin e organizatës. 
 Kontribut në iniciativa me ndikim publik, duke qenë pjesë e programeve që promovojnë inovacionin, edukimin, ekonominë qarkore dhe zhvillimin e komunitetit.

Rreth DYVÓLAB
DYVÓLAB është Hapësira e Përbashkët Kreative dhe FabLab-i i parë i akredituar në Kosovë, e themeluar nga DYVÓ për të nxitur inovacionin e bazuar në dizajn dhe ekonominë qarkore. Përmes hapësirës, teknologjisë, makinerive dhe programeve edukative, që u ofron të rinjve dhe komuniteteve mundësinë të zhvillojnë aftësi të reja, të eksperimentojnë me ide dhe të krijojnë zgjidhje konkrete për sfida sociale dhe mjedisore. Programet e laboratorit përfshijnë Open Lab Days, punëtori të Upcycling-ut, Design Marathons, Prishtina Sustainable Design Week dhe iniciativa multimediale që promovojnë kreativitetin, qëndrueshmërinë dhe angazhimin qytetar.
Vendi i punës
Zyrë/ Full time 10:00 – 17:00 / Prishtinë
Për t’u konsideruar për këtë pozitë, kandidatët duhet të dorëzojnë CV-në, letrën e referencës dhe letrën e motivimit.