Elsa Group

E themeluar në vitin 1991, Elsa Group është kompani me traditë 30 vjeçare në fushën e përpunimit dhe prerjes së granitit, mermerit, kuarcit, onix-it dhe gurëve të tjerë dekorues. E themeluar në një periudhë të vështirë politike dhe ekonomike, gjatë vitit 1999 Elsa Group pezulloi punën dhe u shkatërrua gati totalisht. Gjatë të njëjtit vit themeluesit e rindërtuan dhe filluan punën me numër të reduktuar punëtorësh dhe makineri të vjetëruara.
Sot, e paisur me teknologji moderne, me numër të shtuar të punëtorëve, shtrirje të prodhimtarisë në tre lokacione të ndryshme në vënd, Elsa Group është lidere në rajon në importin e lëndës së pare, përpunimin dhe realizimin e projekteve serioze brenda dhe jashtë vendit.

Qëllimi i tyre është t’i tejkalojë kufijtë në importin e lëndës së pare duke fuqizuar tregun local, si dhe hapjen e minierave në Kosovë dhe eksportin e gurëve tanë në tregjet botërore, duke ndihmuar zhvillimin e vendit dhe mundësuar hapjen e vendeve të reja të punës. Cilesia e produkteve, puna profesionale, realizimi i suksesshëm i projekteve si dhe ekipi i dedikuar, e bëjnë kompaninë të ketë marrëdhenie bashëpunimi afatgjatë me klientat e tyre të vjetër si dhe te rinj.