KONKURS PUNE
Menaxher/e i/e Shitjes në Terren
Zhvillim i shitjeve B2B, menaxhim i klientëve dhe përfaqësim i portofolit të brendeve BetaTech
BetaTech kërkon një profesionist të orientuar drejt rezultateve, i cili do të udhëheqë dhe zgjerojë shitjet në terren, do të zhvillojë rrjetin e klientëve B2B dhe do të sigurojë prezantim profesional të brendeve tona në treg.
Rreth BetaTech
BetaTech SH.P.K. është kompani kosovare në sektorin e teknologjisë informative, me fokus në komponentë PC, laptopë dhe kompjuterë, gaming, periferikë dhe pajisje profesionale. Portofoli ynë përfshin, ndër të tjera, Meetion, Montech, HIKSEMI, Rampage dhe ASRock, si dhe brende të njohura të industrisë së IT-së.
Përshkrimi i pozitës
Menaxheri/ja i/e Shitjes në Terren do të jetë përgjegjës/e për rritjen e shitjeve, zgjerimin e mbulimit të tregut dhe ndërtimin e marrëdhënieve afatgjata me dyqane IT, resellerë, kompani dhe klientë të tjerë B2B në Kosovë. Pozita kërkon punë aktive në terren, planifikim, negocim dhe raportim të rregullt të rezultateve.
Detyrat dhe përgjegjësitë
- Hartimi dhe zbatimi i planit javor dhe mujor të shitjeve në terren, në përputhje me objektivat e kompanisë.
- Vizita të rregullta te klientët aktualë dhe identifikimi i klientëve të rinj B2B në gjithë Kosovën.
- Prezantimi, promovimi dhe shitja e brendeve dhe kategorive të produkteve të BetaTech.
- Menaxhimi i marrëdhënieve me klientët, negocimi i ofertave dhe mbyllja e shitjeve.
- Përgatitja dhe ndjekja e ofertave, porosive dhe pagesave, në koordinim me financat dhe logjistikën.
- Vendosja dhe monitorimi i objektivave të shitjes sipas klientit, territorit dhe brendit.
- Mbledhja e informatave nga tregu për çmimet, konkurrencën, kërkesën dhe mundësitë e reja.
- Koordinimi me ekipet e shitjes, marketingut, prokurimit dhe magazinës për realizimin e planeve.
- Raportimi i rregullt mbi vizitat, shitjet, klientët e rinj dhe ecurinë kundrejt objektivave.
Kualifikimet dhe përvoja e kërkuar
- Minimum 2 vjet përvojë në shitje në terren, shitje B2B ose menaxhim të llogarive të klientëve.
- Përvojë në shitjen ose përfaqësimin e produkteve të IT-së, komponentëve PC, gaming-ut, periferikëve apo elektronikës së konsumit - përbën përparësi të fortë.
- Përvoja me brendet ose kategoritë që punon BetaTech - si Meetion, Montech, HIKSEMI, Rampage, Brateck/LUMI apo brende të ngjashme - përbën përparësi të fortë.
- Njohje e tregut kosovar dhe rrjet ekzistues kontaktesh me dyqane IT, resellerë ose biznese përbën përparësi.
- Aftësi të mira në udhëheqje, planifikim, komunikim, prezantim dhe negocim.
- Orientim drejt rezultateve dhe aftësi për të punuar në mënyrë të pavarur dhe nën presion.
- Njohuri praktike në Excel, Word, PowerPoint, Outlook dhe përgatitje të raporteve të shitjes.
- Patentë shoferi e kategorisë B dhe gatishmëri për udhëtime të rregullta në gjithë Kosovën.
- Njohja e gjuhës angleze përbën përparësi.
Çfarë ofron BetaTech
- Pagë konkurruese dhe bonus të lidhur me arritjen e objektivave.
- Rol me përgjegjësi dhe mundësi reale për avancim profesional.
- Trajnime për produktet dhe brendet e portofolit të kompanisë.
- Mbështetje operative dhe marketingu për aktivitetet e shitjes në terren.
- Ambient pune profesional, dinamik dhe bashkëpunues.
Si të aplikoni
Dërgoni CV-në tuaj përmes butonit të mëposhtëm ose në info@betatech-ks.com me subjektin: “Menaxher i Shitjes në Terren”. Në CV ju lutemi të theksoni përvojën në shitje, brendet ose kategoritë e produkteve me të cilat keni punuar dhe rezultatet kryesore të arritura.
Vetëm kandidatët e përzgjedhur në listën e ngushtë do të kontaktohen. Të gjitha aplikimet trajtohen me konfidencialitet.
