Agjent i Shitjes

	 	 
Agjent i Shitjes
Zen365 · Prishtinë · Me orar të plotë · Zyrë dhe terren
Zen365 është platformë biznesi që i bashkon në një vend shitjet, blerjet, bankat, stokun, kontabilitetin dhe Softuerin Elektronik Fiskal (SEF) të certifikuar nga ATK. Punon në kompjuter, tablet dhe telefon. E përdorin biznese: dyqane, markete, kafiteri, restorante, berberë, sallone bukurie, klinika, barnatore dhe zyra kontabiliteti.
Çdo ditë na kontaktojnë biznese që duan të fillojnë të përdorin Zen365. Kërkojmë një person që u përgjigjet këtyre kërkesave dhe i kthen në klientë. Kur nuk ka thirrje, del në terren për të gjetur klientë të rinj. Puna ndahet mes zyrës dhe terrenit.
Detyrat e tua


U përgjigjesh thirrjeve dhe mesazheve nga bizneset e interesuara: telefon, Viber, WhatsApp, email dhe platforma të tjera.


Kupton çka i duhet biznesit dhe i rekomandon paketën e duhur.


U tregon klientëve si punon Zen365, në telefon, online ose te biznesi.


Viziton biznese në terren, ua prezanton Zen365 dhe sjell klientë të rinj.


Dërgon oferta, përcjell klientët që nuk kanë vendosur ende dhe e mbyll marrëveshjen.


E kalon klientin e ri te ekipi i suportit për onboarding, pasi klienti pranon.


I mban të gjitha kontaktet dhe ofertat të shënuara në sistem, që çdo klient të përcillet deri në fund.


Çfarë kërkojmë


Komunikon qartë dhe bindshëm, në telefon dhe në takim me klientin.


Punon në mënyrë të organizuar.


Punon lirshëm me kompjuterin dhe mëson shpejt një platformë të re.


Flet dhe shkruan shqip mirë.


Përparësi, jo kusht


Përvojë në shitje, sidomos në terren ose me biznese.


Patentë shoferi, kategoria B.


Njohuri bazë të kontabilitetit dhe tatimeve.


Gjuhë angleze.


Informata shtesë


Pagë fikse mujore sipas përvojës, plus bonuse sipas objektivave.


Karburanti dhe shpenzimet e udhëtimit për punën në terren paguhen veçmas.


Nuk kërkohet përvojë me Zen365. Ofrohet trajnim gjatë javëve të para.


Si të aplikosh
Dërgo CV-në në hr@zen365.ai me titull "Agjent i Shitjes", deri më 20 nëntor 2026. Shkruaj edhe 3 - 5 fjali: pse aplikon në këtë punë dhe ku ke punuar me klientë. Do të kontaktojmë vetëm kandidatët që ftohen në intervistë. Konkursi është i hapur për të gjithë, pa dallim gjinie.