Komunikim me ndikim

Program praktik për profesionistët që duan t’i ndërtojnë mesazhet me më shumë qartësi, besueshmëri dhe ndikim. Pjesëmarrësit punojnë me situata reale komunikimi dhe e kthejnë njohurinë në mënyra konkrete të të shprehurit dhe të vepruarit.

Përshkrimi i trajnimit

Sot, nuk po mjafton të kesh diçka me vlerë për të thënë. Në një mjedis të mbingarkuar me informacione, ndikimi krijohet kur mesazhi ka një qëllim të qartë, është i përshtatur me audiencën dhe përcillet në mënyrë që të kuptohet, të mbahet mend dhe të nxisë veprim.

Trajnimi i ndihmon pjesëmarrësit të kuptojnë si pranohet mesazhi nga të tjerët, ta strukturojnë komunikimin me më pak zhurmë dhe ta përforcojnë përmes zërit, pranisë dhe gjuhës së trupit.

Shkathtësitë dhe rezultatet e pritshme

• Të qartësojnë rezultatin që duan të arrijnë përpara se të zgjedhin fjalët.
• Ta përshtatin mesazhin me nevojat, perspektivën dhe nivelin e kuptimit të audiencës.
• T’i strukturojnë idetë në mesazhe të qarta, të përmbledhura dhe të mbajtshme mend.
• Ta përdorin tonin, ritmin, praninë dhe gjuhën e trupit për të rritur besueshmërinë.
• Të ndikojnë pa imponuar dhe ta kthejnë komunikimin në mirëkuptim dhe veprim.

Kujt i dedikohet

Profesionistëve, udhëheqësve të ekipeve, menaxherëve, sipërmarrësve dhe kujtdo që komunikon ide, udhëzime, propozime ose feedback dhe dëshiron të ketë më shumë qartësi dhe ndikim në ndërveprimet profesionale. Nuk kërkohen njohuri paraprake.

Metodologjia

Programi zhvillohet përmes ushtrimeve praktike, reflektimit individual, diskutimeve, simulimeve dhe situatave nga puna e përditshme. Pjesëmarrësit nuk marrin vetëm njohuri; ata provojnë mënyra të reja komunikimi dhe marrin mjete që mund t’i zbatojnë menjëherë.

Trajneri

Arben Salihu është instruktor i aftësive të buta, ekspert zhvillimi dhe coach, me përvojë në trajnimin e profesionistëve dhe ekipeve që nga viti 2011. Është themelues i Soft Skills Academy dhe instruktor në RIT Kosovo. Gjatë punës së tij ka trajnuar mbi 5 000 pjesëmarrës.

Informata kryesore

Formati:

Fizik, me pjesëmarrje në klasë

Gjuha:

Shqip

Certifikata:

Certifikatë pjesëmarrjeje nga Soft Skills Academy

Akreditimi:

Program jo i akredituar. Nuk ekziston standard deri më sot për këtë program

Afati për aplikim:

1 tetor 2026, ose deri në plotësimin e vendeve