Retouch

Transformoni fotografitë në vepra profesionale përmes trajnimit të Retouch. Ky program është i dedikuar për të gjithë ata që dëshirojnë të mësojnë teknikat moderne të përpunimit të fotografive dhe të ndërtojnë aftësi të kërkuara në industrinë e fotografisë, modës dhe marketingut.

Shkathtësitë që zhvillohen

Gjatë trajnimit, pjesëmarrësit do të zhvillojnë aftësi praktike për realizimin e retouch-it profesional dhe menaxhimin e projekteve fotografike. Ndër shkathtësitë kryesore përfshihen:

• Editimi profesional i fotografive në nivele komerciale
• Retouch i avancuar për Fashion, Wedding dhe portrete
• Korrigjimi profesional i ngjyrave dhe ndriçimit
• Maskim dhe selektim me teknika të avancuara
• Përmirësimi i detajeve dhe cilësisë së fotografive
• Organizimi dhe menaxhimi efikas i projekteve
• Komunikimi profesional dhe menaxhimi i marrëdhënieve me klientët

Rezultatet e pritshme

Pas përfundimit të trajnimit, pjesëmarrësit do të jenë në gjendje të:

• Realizojnë retouch profesional për fotografi Fashion, Wedding, portrete dhe projekte komerciale.
• Përdorin teknika të avancuara të editimit për të arritur rezultate me standarde profesionale.
• Menaxhojnë projekte fotografike nga pranimi i kërkesës deri te dorëzimi final.
• Bashkëpunojnë në mënyrë profesionale me fotografë, agjenci dhe klientë.
• Ndërtojnë një portofol me punime cilësore për punësim ose freelancing në industrinë kreative.

Formati:

fizik, online dhe hibrid

Numri i përgjithshëm i orëve:

48 orë

Gjuha:

Shqip

Lloji i Certifikatës:

Certifikatë për përfundimin me sukses të trajnimit

Trajneri:

Erblin Babalija

Erblini e ka nisur karrierën e tij në vitin 2016, duke ndërtuar një përvojë të spikatur në industrinë e fotografisë dhe retouch-it profesional. Përgjatë viteve, ai ka bashkëpunuar në projekte të publikuara në revista prestigjioze ndërkombëtare si Vogue Magazine, Imirage Magazine, Pump Magazine dhe Vigour Magazine.

Përveç angazhimit në industrinë kreative, Erblini është edhe ligjërues i retouch-it në Retouching Academy LAB dhe Prime Academy, ku ndan përvojën dhe teknikat profesionale me gjeneratat e reja të dizajnerëve dhe retoucher-ëve.