Përgjegjës/e i/e Burimeve Njerëzore dhe General Services

	 	 
PËRGJEGJËS/E I/E BURIMEVE NJERËZORE DHE GENERAL SERVICES
Pozita: Përgjegjës/e i/e Burimeve Njerëzore dhe General Services
Numri i pozitave: 1
Zyra Qendrore: Prishtinë
Lokacioni: Prishtinë, me angazhim mbështetës për Paketos International dhe degën e postës vendore
Përshkrimi i punës:
Përgjegjësi/ja i/e Burimeve Njerëzore dhe General Services është përgjegjës/e për menaxhimin e proceseve të burimeve njerëzore në kompani dhe për koordinimin e sektorit të shërbimeve të përgjithshme (General Services), i cili ofron mbështetje për Paketos International (posta ndërkombëtare) dhe për degën e Paketos për postën vendore.
Pozita përfshin rekrutimin dhe administrimin e stafit, mirëmbajtjen e dokumentacionit të punësimit, menaxhimin e kontratave me ofrues shërbimesh dhe koordinimin e shërbimeve mbështetëse, duke garantuar zbatimin e legjislacionit të punës, saktësi dhe konfidencialitet të të dhënave. Kjo pozitë kërkon organizim të lartë, integritet profesional dhe orientim ndaj cilësisë së shërbimit, në përputhje me standardet e kompanisë.
Detyrat kryesore:

Menaxhimi i procesit të rekrutimit dhe përzgjedhjes së stafit, përfshirë shpalljet, intervistat dhe integrimin e punëtorëve të rinj
Përgatitja dhe mirëmbajtja e kontratave të punës, dosjeve personale dhe evidencave të punëtorëve
Mbajtja e evidencës së orarit të punës, lejeve vjetore, lejeve të sëmundjes dhe mungesave
Koordinimi me departamentin e financave për dokumentacionin e pagave dhe kompensimeve
Zbatimi i legjislacionit të punës, rendit shtëpiak dhe politikave të brendshme të kompanisë
Trajtimi i çështjeve disiplinore dhe ankesave të punëtorëve, si dhe koordinimi i trajnimeve dhe vlerësimit të performancës
Ruajtja strikte e konfidencialitetit dhe mbrojtja e të dhënave personale të punëtorëve
Menaxhimi i kontratave me ofrues shërbimesh, në veçanti kontratave të shërbimeve softuerike (licenca, abonime, mirëmbajtje), me ndjekjen e afateve dhe rinovimeve
Koordinimi dhe mbikëqyrja e shërbimit të pastrimit të lokaleve të Paketos dhe shërbimeve të tjera mbështetëse të ngjashme
Koordinimi i furnizimit me materiale, pajisje, uniforma dhe evidenca e inventarit
Mbështetja e projekteve të postës vendore, përfshirë projektin e shpërndarjes së faturave të furnizimit me energji, në planifikimin e burimeve njerëzore dhe shërbimeve mbështetëse për ekipet në terren
Bashkëpunim i ngushtë me Project Manager-in dhe mbikëqyrësit e postierëve për planifikimin e kapaciteteve të stafit
Përgatitja e raporteve periodike mbi burimet njerëzore dhe punën e sektorit të shërbimeve të përgjithshme

Kërkesat:

Diplomë universitare në Menaxhim të Burimeve Njerëzore, Administrim Biznesi, Drejtësi, Ekonomi ose fusha të ngjashme
Njohuri të mira të Ligjit të Punës në Kosovë dhe procedurave të punësimit
Aftësi shumë të mira organizative dhe komunikuese
Aftësi për menaxhimin e kontratave dhe të dokumentacionit administrativ
Njohuri të mira të Microsoft Office (Excel, Word)
Njohuri të avancuara të gjuhës shqipe dhe angleze
Korrektësi, përgjegjësi dhe besueshmëri e lartë profesionale
Përvoja në burimet njerëzore, administratë ose menaxhim kontratash është përparësi, por jo e detyrueshme

Kushtet e punës:

Pagë konkurruese, sipas përvojës dhe kualifikimeve
Kontratë e rregullt pune me orar të plotë
Trajnim fillestar për procedurat e kompanisë dhe projektet aktive
Zhvillim profesional dhe mundësi avancimi në karrierë
Ambient pune profesional dhe dinamik

Aplikimi:
Të gjithë të interesuarit mund të aplikojnë përmes email-it: jobs@paketos.io