Menaxher i Zhvillimit të Biznesit/ Menaxher Regjional

	 	 
Pozita: Menaxher i Zhvillimit të Biznesit/ Menaxher Regjional
Data e publikimit: 12.08.2026
Rreth nesh:
Moneta është institucion financiar jobankar (IFJB), kompani lidere në Kosovë me seli në Prishtinë, e specializuar në ofrimin e shërbimeve financiare. E licencuar nga Banka Qendrore e Kosovës dhe MoneyGram International, Moneta ofron shërbimet e transferit të parave dhe shërbimin e pagesave nëpërmjet rrjetit të saj të agjentëve anembanë Kosovës.
Rreth pozitës:
Për shkak të zgjerimit të aktiviteteve tona, jemi në kërkim të një personi të motivuar dhe të përgjegjshëm për pozitën Menaxher i Zhvillimit të Biznesit/ Menaxher Regjional në rajonin e Dukagjinit dhe Rrafshit të Kosovës, i/e cili/a është përgjegjës për zhvillimin dhe zgjerimin e biznesit përmes identifikimit të mundësive të reja, ndërtimit të partneriteteve strategjike dhe menaxhimit të marrëdhënieve me klientë dhe partnerë ekzistues.
Përgjegjësitë dhe detyrat kryesore

Zhvillon dhe implementon iniciativa për zgjerimin e biznesit dhe rritjen e rrjetit të agjentëve të kompanisë;
Identifikon dhe zhvillon mundësi të reja biznesi, duke hulumtuar tregun për lokacione, biznese dhe partnerë potencialë për ofrimin e shërbimeve të transferimit të parave, pagesave dhe shërbimeve të tjera të kompanisë;
Identifikon, kontakton dhe negocion me biznese potenciale për krijimin e partneriteteve dhe përfshirjen e tyre në rrjetin e agjentëve;
Zhvillon dhe mirëmban marrëdhënie afatgjata me agjentët dhe partnerët ekzistues, me fokus në rritjen e performancës dhe zgjerimin e bashkëpunimit;
Analizon potencialin e tregut dhe identifikon zona dhe lokacione strategjike për zgjerimin e rrjetit të agjentëve;
Monitoron vazhdimisht aktivitetet, lokacionet dhe ofertat e konkurrencës dhe identifikon mundësi për pozicionim dhe zhvillim të mëtejshëm të kompanisë;
Kontribuon në promovimin dhe rritjen e përdorimit të produkteve dhe shërbimeve të kompanisë;
Organizon, koordinon dhe mbikëqyr aktivitetet dhe fushatat promocionale në territorin e Kosovës;
Monitoron performancën e agjentëve, identifikon mundësitë për përmirësim dhe propozon masa për rritjen e aktivitetit dhe rezultateve të tyre;
Kontakton dhe ofron mbështetje të vazhdueshme për agjentët, duke siguruar komunikim efektiv dhe adresim në kohë të kërkesave dhe çështjeve të tyre;
Trajnon dhe udhëzon agjentët lidhur me rregullat, procedurat dhe procesimin e shërbimeve të kompanisë;
Përgjigjet për koordinimin, kompletimin dhe dorëzimin e dokumentacionit të nevojshëm për licencimin e agjentëve të rinj;
Siguron furnizimin e vazhdueshëm të agjentëve me materialet e nevojshme të punës dhe monitoron gjendjen e materialeve promocionale, reklamave dhe aseteve të kompanisë;
Raporton dhe koordinon në kohë çdo dëmtim apo problem lidhur me asetet, materialet promocionale dhe reklamimet në lokacionet e agjentëve;
Monitoron respektimin e rregullave dhe procedurave të punës nga agjentët dhe kontribuon në përditësimin dhe përmirësimin e tyre;
Përgatit raporte periodike, përfshirë raporte javore, mbi aktivitetet, performancën e agjentëve, zhvillimin e rrjetit dhe rezultatet e aktiviteteve të biznesit;
 Mban të informuar rregullisht Udhëheqësin e Departamentit të Biznesit dhe/ose Drejtorin Menaxhues lidhur me zhvillimet, rezultatet dhe mundësitë e reja të biznesit;
Bashkëpunon me departamentet relevante të kompanisë për realizimin e objektivave strategjike dhe komerciale;
Kryen detyra të tjera të ndërlidhura me pozitën, sipas nevojave të biznesit dhe udhëzimeve të menaxhmentit.

Kërkesat dhe kualifikimet kryesore

Diplomë universitare në Ekonomi, Menaxhim, Financa, Administratë Biznesi ose fusha të ngjashme.
Të paktën 2 vite përvoj pune në shitje, shërbim ndaj klientit, ose sektor financiar/bankar përbën avantazh.

Aftësi të mira të shitjes dhe organizative.
Aftësi të shkëlqyera komunikimi dhe bashkëpunimi.
Aftësi për të punuar nën presion dhe për të menaxhuar disa detyra njëkohësisht.
Njohuri të gjuhës angleze konsiderohen avantazh.

Lokacioni: Prishtinë / Rrafshi i Kosoves ose Rajoni i Dukagjinit
Kandidatët e interesuar mund të aplikojnë duke dërguar CV-në e tyre në hr@monetaks.com ose permes butonit te meposhtem duke vendosur titullin e pozitës në të cilën aplikoni, “Menaxher i Zhvillimit të Biznesit”
Afati i fundit pë aplikim: 26.08.2026
Të gjitha aplikacionet do të trajtohen me konfindencialitet të lartë.  Vetëm kandidatët e përzgjedhur në listën e ngushtë do të kontaktohen.