Zëvendës Drejtor

	 	 
Bashkohu me Albanian Courier Kosova LLC (ACK): Zëvendës Drejtor
Prishtinë, Kosovë, Full-time | Senior–Level
Albanian Courier Kosova LLC (ACK) operon në sektorin e shërbimeve postare dhe të korrierit në Kosovë, si pjesë e aktivitetit të Albanian Courier në Shqipëri. Kompania fokusohet në ofrimin e shërbimeve të besueshme dhe efikase, duke përmbushur nevojat e klientëve përmes organizimit të proceseve operacionale, shpërndarjes dhe menaxhimit të marrëdhënieve me klientët. 
Në këtë kuadër, Albanian Courier Kosova synon të forcojë më tej strukturën drejtuese dhe të mbështesë zhvillimin e qëndrueshëm të aktivitetit të kompanisë, me fokus në eficiencën operacionale, rritjen e shitjeve, zhvillimin e biznesit, cilësinë e shërbimit dhe forcimin e marrëdhënieve me klientët.
Për këtë arsye, kërkojmë një Zëvendës Drejtor, i/e cili/a do të ketë një rol kyç në menaxhimin dhe koordinimin e aktivitetit të Albanian Courier Kosova LLC (ACK), me fokus në realizimin e objektivave të biznesit, zhvillimin e mëtejshëm të aktivitetit dhe garantimin e mbarëvajtjes së operacioneve. Pozicioni përfshin menaxhimin e aktivitetit ekonomik të kompanisë, rritjen e shitjeve përmes zgjerimit të portofolit të klientëve, zhvillimin e marrëdhënieve me klientët ekzistues dhe potencialë, mbikëqyrjen e aktivitetit operacional, menaxhimin e marrëdhënieve me furnitorët, monitorimin e performancës dhe përfaqësimin e kompanisë në marrëdhëniet me institucionet, bashkëpunëtorët dhe palët e tjera, duke siguruar respektimin e legjislacionit në fuqi, procedurave dhe vlerave të kompanisë.
Çfarë përfshin roli

Përfaqëson kompaninë në marrëdhëniet me institucionet shtetërore, klientët, bashkëpunëtorët dhe furnitorët, sipas autorizimeve përkatëse nga Drejtori Manaxhues.
Përfshihet aktivisht në procesin e shitjeve, me fokus zgjerimin e shërbimeve, sigurimin e klientëve të rinj dhe në ruajtjen e klientëve ekzistues.
Organizon dhe koordinon aktivitetin e përditshëm operacional të kompanisë, duke ndjekur realizimin e detyrave dhe mbarëvajtjen e punës sipas delegimeve perkatëse nga Drejtori Manaxhues
Komunikon në mënyrë të vazhdueshme me punonjësit, duke ndjekur nevojat e tyre dhe kontribuar në motivimin dhe bashkëpunimin e ekipit.
Parashikon nevojat e kompanisë dhe asiston në përgatitjen e plan-buxhetin mujordhe vjetor.
Ndjek veprimtarinë ekonomike dhe analizon raportet financiare dhe ekonomike periodike.
Identifikon dhe propozon iniciativa për forcimin e imazhit të kompanisë dhe zhvillimin e shitjeve.
Analizon mundësitë për rritjen e aktivitetit, të ardhurave dhe fitimeve dhe propozon projekte dhe plane përkatëse.
Përgatit dhe analizon raporte mbi volumin dhe ecurinë e aktivitetit sipas klientëve, vlerës dhe treguesve përkatës.
Ndjek realizimin e shërbimit nga marrja e porosisë deri në dorëzim dhe faturim, përfshirë gjendjen e magazinës dhe zgjidhjen e problematikave operacionale.
Përgatit dhe analizon raporte mbi performancën operacionale dhe shpërndarjen e dërgesave.
Ndjek marrëdhëniet me klientët, cilësinë e shërbimit, kushtet e ofruara, pagesat dhe arkëtimet.
Menaxhon marrëdhëniet me furnitorët, duke vlerësuar kushtet e bashkëpunimit në raport me koston, cilësinë dhe afatet.
Ndjek zhvillimet dhe aktorët e tregut të shërbimeve postare dhe propozon taktika të reja shitjeje, optimizime të shpërndarjes dhe përmirësime të rrjedhës operacionale.
Ndjek legjislacionin në fuqi që lidhet me aktivitetin e kompanisë dhe siguron respektimin e kërkesave përkatëse.
Monitoron administrimin, përdorimin dhe ruajtjen e aseteve të kompanisë, në përputhje me procedurat përkatëse.

Kandidati/ja ideal/e sjell:

Diplomë universitare në Administrim Biznesi, Ekonomi, Financë, Menaxhim ose fusha të ngjashme.
Minimumi 2 vite eksperiencë në pozicione menaxheriale.
Eksperiencë e dëshmuar në zhvillimin e biznesit, shitje, menaxhimin e klientëve dhe zhvillimin e marrëdhënieve tregtare.
Njohuri shumë të mira të legjislacionit në fuqi në Republikën e Kosovës, veçanërisht të kuadrit ligjor që lidhet me aktivitetin e kompanisë, marrëdhëniet e punës dhe veprimtarinë tregtare.
Njohuri dhe eksperiencë në planifikim, buxhetim, menaxhim të kostove, monitorim të performancës dhe raportim periodik.
Aftësi të avancuara analitike për interpretimin e raporteve financiare, ekonomike dhe operacionale, treguesve të performancës dhe të dhënave të tregut.
Aftësi të forta drejtuese, organizative dhe vendimmarrëse, me përgjegjshmëri, transparencë, integritet dhe orientim drejt rezultateve.
Kompetenca të avancuara në komunikim, negocim dhe përfaqësim, si dhe në menaxhimin e marrëdhënieve me klientët, furnitorët, partnerët dhe institucionet.
Eksperiencë në drejtimin, motivimin dhe zhvillimin e stafit, si dhe koordinimin efektiv ndërmjet funksioneve të ndryshme të kompanisë.
Njohuri shumë të mira të paketës MS Office, veçanërisht Excel, Word dhe PowerPoint, si dhe të sistemeve dhe mjeteve të raportimit.
Njohuri shumë të mira të gjuhës angleze.
Leje drejtimi e vlefshme, Kategoria B.
Aftësi për të punuar në mënyrë të pavarur, për të menaxhuar prioritete të shumta dhe për të marrë vendime në situata me përgjegjësi të lartë.

Përbëjnë avantazh:

Specializimet dhe kualifikimet shtesë profesionale në fusha të lidhura me pozicionin.
Eksperienca menaxheriale në kompani me aktivitet të ngjashëm.
Eksperienca në sektorin postar, të korrierit, logjistikës, transportit ose industri të ngjashme.
Njohja e gjuhëve të tjera.

Aplikimi: Kandidatët e interesuar ftohen të dërgojnë: CV-në e përditësuar dhe një prezantim të shkurtër profesional ose letër interesi në: hr@albaniancourier.al;
Afati i aplikimit: 04.11.2026; Objekti i email-it: Zëvendës Drejtor