Ministria e Shëndetësisë

Zyrtar i lartë për Menaxhimin e Projekteve

Linku u kopjua

Ky konkurs ka skaduar. Kerko me shume oferta pune te lira ne Portal

Republika e Kosovës - Republika Kosova - Republic of Kosovo

Qeveria - Vlada - Government

Ministria e Shëndetësisë - Ministarstvo Zdravstvoa - Ministry of Health

Divizioni i Burimeve Njerëzore / Divizija za Ljudske Resurse / Human Resources Division

SHPALLJA E REKRUTIMIT

Institucioni: Ministria e Shëndetësisë

Departamenti: Departamenti i Zhvillimit Strategjik Shëndetësor / Divizioni për Infrastrukturë

Titulli i vendit të punës: Zyrtar i lartë për Menaxhimin e Projekteve

Kategoria funksionale/Grada: Koeficienti - 8

Afati i kontratës: Nëpunës i karrierës – me kohë të pa caktuar

Nr. i Referencës: MSh-17/07/2019

Detyrat kryesore:

Përgatit dokumentacionin për projekte, përfshirë dizajnët, specifikacionet teknike, paramanat, parallogaritë dhe tërë dokumentet teknike (sistemet e alarmit, sistemet e kontrollimit automatik, sistemet audio vizuale, sistemet e BMS, sistemet elektro-makinerive);
Mbikëqyrë punët e instalimeve elektrike dhe elektro-makinerive në punë të projekteve në punishte dhe kontrollon librin ndërtimor si dhe ditarin e punës për çdo ditë deri në kalimin e periudhës së defekteve dhe periudhës së garancionit;
Menaxhon dhe kontrollon sistemin e pagesave që të realizohet sipas kushteve të kontratës për projektet me të cilat është i ngarkuar;
Ndihmon në përgatitjen e planifikimeve buxhetore dhe raporteve të nevojshme mbi projektet;
Merë pjesë në komisionet në të cilat caktohet nga udhëheqësi për hapje të ofertave dhe vlerësimeve për projektet inxhinjerike të ndërtesave shëndetësore dhe kujdeset që oferta e rekomanduar t’i përmbush standardet teknike të pranuara vendore dhe ndërkombëtare;
Kontrollon dhe përcakton tipin dhe kualitetin e materialit që do të përdoret gjatë ekzekutimit të punimeve që t’i përmbush kushtet sipas standardeve teknike;
Ndihmon të grumbulloj dhe arkivojë të gjitha dokumentacionet detale dhe udhëzimet e përdorimit të pajisjeve (i kërkon kontraktori) si dhe dizajnët e fundit sipas ekzekutimit të punimeve në punishte;

Kryen punë sipas kërkesave te eprorit, nga komponenti inxhinjerik, profesionale dhe aktivitete te veçanta qe ndërlidhen me detyrat dhe përgjegjësitë e DI-së.
Përgatit raporte për aktivitetet e kryera periodike dhe sipas kërkesës.

Kushtet e pjesëmarrjes në rekrutim: Të drejtë aplikimi kanë të gjithë shtetasit e Republikës së Kosovës të moshës madhore të cilët kanë zotësi të plotë për të vepruar, kanë mbaruar shkollimin adekuat dhe kanë aftësinë profesionale për kryerjen e detyrave.

Procedurat e konkurrimit: Konkurrimi është i hapur për të gjithë kandidatët e interesuar.

Shkollimi i kërkuar: Diplome Universitare - Inxhinier i Diplomuar në Ndërtimtari, Arkitekturë, Makineri ose Elektro.

Aftësitë / përvoja dhe atributet e tjera që kërkohen:

Së paku tre (3) vite përvojë në menaxhim të projekteve, rreth përgatitjes së projekteve dhe mbikëqyrjes së punëve inxhinjerike, të cilat dëshmohen me CV, rekomandime dhe kontrata mbi përvojën e punës;
Aftësi të mira komunikuese në të folur dhe shkruar në gjuhët zyrtare, gjuha angleze është përparësi;
Veçori të forta ndër-personale, përfshirë edhe aftësi për të punuar në ambient ekipor;
Aftësi e dëshmuar pune nën mbikëqyrje të kufizuar, ndarja e detyrës në prioritete, dhe plotësimi i afateve kohore;
Fleksibilitet ndaj organizimit dhe mbikëqyrjes së punës, përfshirë zgjidhjen e problemeve;
Patentë shofer valide-kategoria “ B”.
Aftësi të mira kompjuterike (Word, Excel, Internet,). E domosdoshme njohja e ARCHICAD-it dhe AutoCAD-it.

Aktet ligjore dhe nënligjore që rregullojnë rekrutimin: Bazuar në Ligjin Nr. 03/L-149 mbi Shërbimin Civil të Kosovës si dhe Rregulloren Nr. 02/2010 Për Procedurat e Rekrutimit në Shërbimin Civil.

Kohëzgjatja e emërimit: Nëpunës i karrierës, pa afat të caktuar.

Data e hapjes dhe mbylljes së konkursit: 20.07.2019 deri 03.08.2019

Paraqitja e kërkesave: Aplikacionet merren recepcion ose në faqen zyrtare të ministrisë, dhe dorëzohen në zyrën nr. 23 të Ministrisë së Shëndetësisë, Lagja Arbëria, rruga e Zagrebit p.n. (ish Spitali i mushkërive). Në aplikacion duhet të cekët qartë titulli i vendit të punës dhe numri i referencës. Kontaktet me telefon mund ti bëni në 038 212 -276.

”Shërbimi Civil i Kosovës ofron mundësi të barabarta të punësimit për të gjithë shtetasit e Kosovës dhe mirëpret aplikacionet nga të gjithë personat e gjinisë mashkullore dhe femërore nga të gjitha komunitetet në Kosovë.

Komunitetet jo-shumicë dhe pjesëtarët e tyre kanë të drejtë për përfaqësim të drejtë dhe proporcional në organet e shërbimit civil të administratës publike, qendrore dhe lokale, siç specifikohet në Nenin 11, paragrafin 3 të Ligjit Nr. 03/L-149 mbi Shërbimin Civil të Republikës së Kosovës”

Kërkesat e dërguara pas datës së fundit dhe kërkesat e pakompletuara nuk do të pranohen.

Për shkak të numrit të madh të kërkesave të pranuara, vetëm kandidatët e përzgjedhur në listën e ngushtë do të kontaktohen.