KORPORATA RUGOVE, është kompani vendore me përvojë shumëvjeçare në industrinë e ushqimit, me brende të mirënjohura kosovare si Ujë Rugove dhe Djathë Rugove. Të gjithë të interesuarit që duan të jenë pjesë e Korporatës, ftohen që të aplikojnë për pozitat e hapura të punës në Qumështoren Rugove në fsh. Sigë, Pejë. Pozitat e hapura janë:
SERVISER PËR PAJISJE (x1)
PUNËTOR NË PRODHIM (x5)
MIRËMBAJTËSE (x2)
Disa nga përgjegjësitë dhe detyrat kryesore:
SERVISER PËR PAJISJE
- Është përgjegjës për mirëmbajtjen dhe servisimin e pajisjeve në fabrikë.
- Sigurohet që pajisjet punojnë siç duhet dhe në mënyrë të sigurt.
- Kujdeset për instalimet elektrike të fabrikës dhe kontrollon ato sipas nevojës.
- Bën diagnostikimin e dëmtimeve/prishjeve teknike, mekanike, elektrike, dhe të prishjeve tjera dhe bën ndërrimin/riparimin e tyre.
- Mban evidencë rreth nevojës për pjesët rezervë, bën listen e nevojave për porosi për material shpenzues dhe pjesë rezervë.
- Ndërmerr masa të nevojshme parandaluese si inspektimi, testimi etj.
- Vepron konform rregulloreve të brendshme të kompanisë.
PUNËTOR NË PRODHIM
- Ka përgjegjësi për punën që bën në pozitën e caktuar ku sistemohet: përgatitje, prodhim ose paketim.
- Bashkëpunon me përsonat tjerë të kyçur në proces për kryerjen e detyrave të caktuara.
- Vepron konform rregulloreve të brendshme të kompanisë.
MIRËMBAJTËSE
- Bën pastrimin e zyrave dhe hapësirave të brendshme të fabrikës.
- Bën largimin e mbeturinave nga zyrat.
- Kujdeset për mirëmbajten e zonave të lira në hapësirat prodhuese.
- Është përgjegjëse për mirëmbajtjen e pajisjeve në shfrytëzim.
- Si dhe bën punë të ngjashme që lidhen me pastërtinë e zyrave dhe hapësirave të brendshme.
Kualifikimet dhe kërkesat:
- Të ketë të kryer shkollën e mesme.
- Të jetë i gatshëm për punë ekipore.
- E preferueshme të ketë së paku 1 vit përvojë pune.
- Të jetë banor i regjionit të Pejës.
- T’i përshtatet orarit fleksibil të punës.
- Të ketë qasje me përgjegjësi dhe përkushtim të lartë në punë.
- Për pozitën serviser, e preferueshme të ketë përvojë pune në industri të ngjajshme, të ketë njohuri bazike për fushat: mekanikë, elektrikë, si dhe njohje elementare të gjuhës angleze.
Çka ofron Korporata RUGOVE:
- Ambient profesional dhe motivues.
- Trajnime të ndryshme sipas nevojës për pozita të caktuara.
- Kompensim sipas aftësive dhe rezultateve të arritura.
- Sigurim shëndetësor.
- Transport nga qyteti i Pejës për në fabrikë.
Si të aplikohet:
Të interesuarat/it mund të dërgojnë CV-të e tyre përmes butonit APLIKO KËTU ose në e-mail adresën hr@rugove.eu duke specifikuar pozitën për të cilën po aplikojnë.
Afati i fundit për aplikim është data 15 tetor 2023, kurse vetëm kandidatet/ët që hyjnë në rrethin e ngushtë do të njoftohen përmes telefonit dhe do të ftohen në intervistë.
Korporata RUGOVE ofron mundësi të barabarta punësimi pa e diferencuar apo diskriminuar askënd dhe inkurajon të gjithë të dërgojnë CV-të e tyre.
