Kuvendi i Republikës së Kosovës
Komisioner i Agjencisë për Mbrojtjen e të Dhënave Personale
Shpërndaje
	 	 

Kuvendi i Republikës së Kosovës, në bazë të Ligjit nr. 06/L-082 për Mbrojtjen e të Dhënave Personale rishpall:

K O N K U R S

Për zgjedhjen Komisionerit të Agjencisë për Mbrojtjen e të Dhënave Personale

Funksionet e Komisionerit:

Komisionari për Mbrojtjen e të Dhënave Personale është organ i pavarur, i emëruar nga Kuvendi i Kosovës. Komisionari përfaqëson Agjencinë për Mbrojtën e të Dhënave Personale, organizon dhe koordinon punën e saj dhe është përgjegjës për sigurimin e zbatimit të Ligjit për mbrojtjen e te dhënave personale dhe të Ligjit për qasje në dokumentet publike.

Mandati i Komisionarit:

Komisionari zgjidhet nga Kuvendi i Republikës së Kosovës me shumicën e votave të të gjithë deputetëve të tij, për një mandat 5 (pesë) vjeçar, me mundësi rizgjedhjeje edhe për një mandat shtesë.

Kriteret e përzgjedhjes:

Kandidatët për komisionar duhet t'i plotësojnë kriteret si në vijim:

1.1. Të jenë shtetas të Republikës së Kosovës;
1.2. Të kenë diplomë universitare në njërën nga këto fusha: juridik, administratë publike
apo marrëdhënie ndërkombëtare;
1.3. Të kenë, së paku, 8 (tetë) vite përvojë pune profesionale, nga të cilat, së paku,
5 (pesë) vite përvojë në pozita udhëheqëse;
1.4. Të mos kenë qenë të dënuar me vendim të formës së prerë për vepër penale apo
të mos ketë pasur aktakuzë gjatë pesë viteve të fundit.
1.5. Të kenë integritet të lartë moral dhe profesional;
1.6. Të kenë përvojë dhe njohuri të dalluara në fushën e mbrojtjes së të drejtave të
njeriut.
1.7. Të mos jenë larguar nga puna ose shërbimi civil me masë disiplinore;
1.8. Të mos kenë ushtruar asnjë funksion në parti politike gjatë 5 (pesë) viteve të fundit.
1.9. Nuk duhen të jenë deputetë të Kuvendit në legjislaturën e Kuvendit të Republikës së
Kosovës, që i zgjedhin ata, apo të kenë qenë anëtarë të kabinetit qeveritar në mandatin
e fundit.

 

Aplikacionit duhet t'i bashkëngjiten këto dokumente përcjellëse:

· Dëshmia për përgatitjen shkollore dhe profesionale (diplomat nga universitetet jashtë vendit, duhet të jenë të nostrifikuara nga Ministria e Arsimit, Shkencës dhe Teknologjisë);
· Letra motivuese; 
· Biografi (CV );
· Dëshmia se është shtetas i Republikës së Kosovës;
· Dëshmia për përvojën e punës (duke bashkangjitur edhe raportin nga Trusti pensional); 
· Dëshmia se nuk është i dënuar për vepër penale.


PROCEDURA E KONKURIMIT

Aplikacionet duhet të dërgohen jo më vonë se deri më 12 qershor 2019, në orën 16:00.
Aplikacionet dërgohen personalisht ose me postë në adresën:
Ndërtesa e Kuvendit të Republikës së Kosovës, Prishtinë (Rr. "Nëna Terezë" pa nr., Drejtoria e Personelit, Zyra N-217);

Aplikacionet mund të merren në këto vende:

Forma e shtypur: në recepcionin e ndërtesës së Kuvendit të Republikës së Kosovës, Prishtinë, rr. "Nëna Terezë" pa nr. ose 
Forma elektronike: faqja e internetit e Kuvendit të Republikës së Kosovës 
www.assembly-kosova.org
Informata të tjera plotësuese mund të merren, çdo ditë pune deri në orën 16:00, në numrat e telefonit: (0) 38 211-182, 211-181 dhe (0) 44 567 - 041.
Aplikacioni duhet të dorëzohet së bashku me dokumentet e kërkuara.

Përdorimi i aplikacionit të gabueshëm dhe të pakompletuar me të dhënat e kërkuara dhe me të dhëna të paraqitura me vonesë, konsiderohet i pavlefshëm.

Ky proces rekrutimi do të monitorohet nga përfaqësues të Projektit Britanik për Emërime në Pozita të Larta Drejtuese. Kandidatët njoftohen që emrat, rezultatet dhe kualifikimi i kandidatëve me rangimin më të lartë në këtë proces zgjedhor si të kualifikuar për votim nga Kuvendi i Kosovës, do të publikohen në ueb faqen e projektit. Me të aplikuar për këtë pozitë do të konsiderohet se është dhënë pëlqimi për publikimin përkatës.

TAGS: Kuvendi i KosovesPrishtineKosovaJobVende PuneNjoftime PuneOferta PunePortal PuneLyp PuneVende te lira PuneKerko Pune

Shikime 777
Kategoria Administratë
Skadon Ka skaduar!
Orari Full Time
Lokacioni Prishtinë
KosovaJob is the largest local network certified by Bureao Veritas with ISO 9001:2015
for Quality Management
Follow Us
Copyright © 2019 - KosovaJob LLC
Copyright © 2019 - KosovaJob LLC