Trajnim për Bazat e Menaxhimit të Burimeve Njerëzore

	 	 
Ky konkurs ka skaduar. Kerko me shume oferta pune te lira ne Portal

Trajnim për Bazat e Menaxhimit të Burimeve Njerëzore
Fundamentals of Human Resources- Shkurt 2023
Mercurius Consulting po rifillon fazën e trajnimeve nga muaji Shkurt 2023 për Bazat e Menaxhimit të Burimeve Njerëzore – HR1, i cili tashmë është zyrtarisht i hapur për aplikim. Përgjatë këtij trajnimi pjesëmarrësit do të marrin njohuri rreth procedurave, specifikave, shkathtësive, aspektit ligjor në saje të mbarëvajtjes së punës në departamentin e Burimeve Njerëzore.
Ky trajnim i dedikohet të gjithë atyre pjesëmarrësve potencialë, të cilët planifikojnë apo aktualisht merren me burime njerëzore në cilësinë e Asistentit, Menaxherit apo edhe Rekrutuesit në kompani të ndryshme. Njohuritë që do të merren do të ndihmojnë për avancimin në pozitë apo për zhvillimin e kapaciteteve personale dhe profesionale afatgjatë.
Objektivat e trajnimit:
Pas përfundimit të këtij trajnimi, pjesëmarrësit do të arrijnë të fitojnë:

Njohuri mbi procesin e rekrutimit, vlerësimin dhe përzgjedhjen e kandidatëve të përshtatshëm.
Njohuri rreth aktualiteteve të tregut të punës, rëndësisë dhe llojeve të motivimit për punëtorët përmes bashkëbisedimit.
Njohuri mbi shkathtësitë rreth pyetjeve të duhura përgjatë intervistës, llojeve të testimit dhe negocimeve të ofertës për punëtorët potencialë.
Njohuri mbi krijimin e kanaleve të shëndosha të komunikimit në mes të punëtorëve dhe punëdhënësve.
Njohuri mbi procedurat ligjore, me të cilat ballafaqohet një profesionist i HR në vendin e punës.
Do të kuptojnë sistemet e vlerësimit dhe menaxhimit të performancës nga kompanitë vendore dhe ato ndërkombëtare.
Do të kuptojnë rëndësinë e motivimit dhe onboarding të punëtorëve, si dhe do të njoftohen me këto specifika nga shembuj të kompanive lokale.

Temat e trajnimit:
Trajnimi përmban temat me komponentët e mëposhtëm:

Arsyet që punëtorët vendosin të largohen nga vendi i punës (Hyrje).
Njohuri me konceptet themelore të burimeve njerëzore, menaxhimit të talenteve dhe mbajtjes së punëtorëve.
Procedura e rekrutimit.
Llojet e testimeve përgjatë intervistave, marrja e vendimit dhe negocimi i ofertës.
Krijimi i një performance të lartë punuese.
Vlerësimi dhe menaxhimi i performancës.
Mënyrat e angazhimit të kompanive ndërkombëtare për mbajtjen e fuqisë punëtore.
Rëndësia e dhënies së feedback-ut dhe menaxhimit të performancës.
Shkathtësitë e komunikimit për të shkëmbyer feedback ndërkolegial.
Katër metodat për shkëmbimin e feedback-ut dhe Planifikimi i Performancës.
Kontratat e Punës dhe Anekset Shtesë.
Akti i Brendshëm i Punëdhënësit dhe Rregullorja e Komisionit Disiplinor.
Vendimet për Pushime. Vendimet për Pushime.

Orari dhe koha e trajnimit:
Trajnimi do të zgjasë 5 ditë. Duke filluar nga data 6 Shkurt deri me 16 Shkurt. Ora: 17:30-20:00 (2h30min).
Vendi i Trajnimit:
Në lokalet e Mercurius Consulting në Prishtinë. Adresa: Rr. Mbreti Justinian Lokali 36, Kati 2, Prishtinë, Kosovë. www.mercurius.co Tel: +383 45 111 151
Çmimi i Trajnimit:
Kushton 199* Euro me TVSH. Pas aplikimit tuaj përmes formës më poshtë ju dërgohen përmes email-it udhëzimet për pagesë.
        *Early Bird Offer: Ata të cilët kryejnë pagesën deri më datën 02 Shkurt 2023 përfitojnë -20% zbritje nga cmimi i trajnimit nga 199€ në 159€.
Në fund të trajnimit në fjalë çdo pjesëmarrës do të pajiset me certifikatë pjesëmarrjeje.
👣Nxitoni, vendet janë të limituara.
Aplikimi juaj do të konsiderohet i suksesshëm në momentin që kryhet pagesa.

Biografia e Trajnerit, Shkumbin Ibraimi.
Shkumbin Ibraimi, është Specialist i Burimeve Njerëzore dhe Motivator, ku u ndihmon punonjësve t`i përmirësojnë vlerat e tyre, duke ngritur aftësitë për të arritur objektivat. Ka mbaruar studimet në Juridik dhe ka ndjekur certifikimet në menaxhimin e projekteve.
Me mbi 15 vite përvojë menaxheriale të nivelit të lartë, ka punuar në cilësinë e Menaxherit të Burimeve Njerëzore për 5 vite në “CACTTUS”, një ndër kompanitë më të mëdha kosovare në fushën e TIK-ut. Me pas për 2 vite ka punuar në ndërmarrjet për shitje me pakicë “Meridian Express” dhe “Albi Group” në cilësinë e Menaxherit të BNJ dhe Trajner. Gjithashtu është i certifikuar si Auditor i Brendshëm për ISO 9002 dhe ISO 27001.
Tani është Partner Menaxhues dhe Drejtor Ekzekutiv i Mercurius Consulting, kompani e cila është e specializuar për t'u ndihmuar bizneseve në rritje e kapaciteteve njerëzore, duke u ofruar shërbime konsulente në fushën e Rekrutimit dhe Përzgjedhjes së Stafit, HR Outsourcing, Trajnim dhe Motivim, Lidershipit dhe Menaxhmentit.