Pozitë e hapur: Zyrtar/e i/e Financave
Rrjeti i Grave të Kosovës (RrGK) shpallë pozitë të re pune me orar të plotë: Zyrtar/e i/e Financave
Ju lutemi dërgoni në kosovawomensnetwork@gmail.com me titull (subject): “RrGK: Zyrtar/e i/e Financave”, deri me 26 dhjetor 2022:
- CV-në tuaj;
- Letrën motivuese; dhe
- Dy letra reference (me detaje kontaktuese).
Vetëm kandidatët/et e listës së ngushtë do të kontaktohen.
Kandidatët/et e suksesshëm/me duhet të posedojnë:
- Përkushtim për të avancuar më tej barazinë gjinore në Kosovë, rajon dhe më gjerë;
- Së paku diploma Bachelor në Ekonomi apo fusha të ngjashme;
- Së paku 5 vjet përvojë me menaxhim financiar;
- Preferohet përvojë në menaxhimin e financave të projekteve të financuara nga Bashkimi Evropian, apo donatorë të ngjashëm;
- Aftësi të shkëlqyeshme në përdorimin e QuickBooks dhe Excel;
- Njohuri dhe përvojë me kornizën relevante ligjore të Kosovës, praktikat më të mira të kontabilitetit dhe procedurat e prokurimit;
- Aftësi të shkëlqyeshme në të shkruar dhe në të folur në shqip, serbisht dhe anglisht;
- Vëmendje të shkëlqyeshme për detaje;
- Shkathtësi të organizimit;
- Aftësi ndër-personale dhe shkathtësi të bashkëpunoj mirë me ekipin dhe organizatat e tjera jo-qeveritare;
- Ndershmëri, durim dhe aftësi për tu adaptuar lehtë;
- Aftësi të punojë dhe të zgjidhë probleme e pavarur.
Përgjegjësitë kryesore janë:
- Në përgjithësi, të jetë përgjegjëse për menaxhim financiar të duhur për projekte të financuara nga donatorë ndërkombëtarë;
- Të sigurojë që çdo gjë të jetë në përputhshmëri me procedurat dhe kushtet e paraqitura sipas rregullave të donatorëve, në pajtueshmëri me kontratën e nënshkruar;
- Të sigurojë që çdo gjë të jetë në përputhshmëri me rregulloren e Politikave të RrGK, përfshirë procedurat e menaxhimit financiar;
- Të sigurojë që çdo gjë të jetë në përputhshmëri me ligjet e Kosovës;
- Të mirëmbajë të gjitha të dhënat financiare të projektit;
- Të organizoj procedurat e prokurimit të projektit;
- Të ndërmarrë planifikime për financa dhe raportim në bashkëpunim të ngushtë me partneret e projektit;
- Të rishikojë raportet financiare, dhe të ofrojë kontrollë të kualitetit të menaxhimit financiar të iniciativave që udhëheqen nga përfitueset e granteve;
- Të përkrahë dhe të mentorojë partneret e projektit dhe përfitueset e granteve të Fondit të Grave të Kosovës (organizata për të drejtat e grave) në menaxhimin e financave;
- Të sigurojë dorëzimin në kohë dhe të rishikoj data-bazën e orarit të punës.
Aplikacionet e dërguara me vonesë nuk do të pranohen. Thirrjet telefonike tek stafi i RrGK-së do të rezultojnë në uljen e pikëve për kandidatët/et potencial/e.
Misioni i Rrjetit të Grave të Kosovës (RrGK) është që të përkrahë, të mbrojë dhe të promovojë të drejtat dhe interesat e grave dhe vajzave në të gjithë Kosovën, pavarësisht nga përkatësia e tyre politike, fetare, etnike, mosha, niveli i arsimit, orientimi seksual dhe aftësia. RrGK e realizon këtë mision përmes shkëmbimit të përvojës dhe informatave, partneriteteve dhe rrjetëzimit, hulumtimeve, avokimit dhe shërbimeve.
